ആലപ്പുഴ: (truevisionnews.com) ആലപ്പുഴയിൽ ഭീതി പരത്തി വീണ്ടും കുറുവ കവർച്ച സംഘം. കോമളപുരത്ത് രണ്ട് വീടുകളിൽ കവർച്ചയും രണ്ട് വീടുകളിൽ മോഷണശ്രമവും നടന്നു.
മോഷ്ടാക്കൾ എത്തുന്നതിന്‍റെ സിസിടിവി ദൃശ്യങ്ങൾ പുറത്തുവന്നു. ജനങ്ങൾക്ക് പൊലീസ് ജാഗ്രതാ നിർദേശം നൽകി.
മണ്ണഞ്ചേരി കോമളപുരം മാളിയേക്കൽ കുഞ്ഞുമോന്‍റെ വീട്ടിൽ പുലർച്ചെ എത്തിയപ്പോൾ സിസിടിവിയിൽ പതിഞ്ഞതാണ്.
വാതിൽ പൊളിച്ച് അകത്ത് കയറിയ മോഷ്ടാക്കൾ കുഞ്ഞുമോന്‍റെ ഭാര്യ ഇന്ദുവിന്‍റെ മാല വലിച്ച് പൊട്ടിച്ചു. വീട്ടുകാർ ഉണർന്നതോടെ കള്ളൻ ഇറങ്ങി ഓടി.
വീടിന് പിന്നിലൂടെ ഓടിയ മോഷ്ടാവ് അയൽപക്കത്തെ ഗേറ്റ് ചാടിക്കടന്ന് ഇരുളിൽ മറഞ്ഞു. മോഷ്ടാവിന്‍റെ കാൽപ്പാടുകൾ ഇവിടെ പതിഞ്ഞിട്ടുണ്ട്.
തൊട്ടടുത്ത രണ്ട് വീടുകളിലും സമാന രീതിയിൽ മോഷണശ്രമം നടന്നു. നാട്ടുകാർ തിരച്ചിലിൽ നടത്തിയെങ്കിലും ആരെയും കണ്ടെത്തായില്ല.
രണ്ടാഴ്ചമുമ്പും മണ്ണഞ്ചേരിയിലും സമീപപ്രദേശങ്ങളിലും കുറുവാ സംഘം എത്തിയിരുന്നു. അർദ്ധനഗ്നരായി ശരീരത്തിൽ എണ്ണ തേച്ച് മാരകായുധങ്ങളുമായി എത്തിയ സംഘത്തിന്റെ സിസിടിവി ദൃശ്യങ്ങൾ പൊലീസിന് ലഭിച്ചിരുന്നു.
ഇന്ന് പുലർച്ചെ എത്തിയതും അതേ സംഘമാണെന്ന സംശയമാണ് പൊലീസിന്.
മണ്ണഞ്ചേരി പഞ്ചായത്തിലെ 11, 12 വാർഡുകളിലും കോമളപുരം ടാറ്റാ വെളിയ്ക്ക് സമീപമുള്ള വീടുകളിലും മോഷണശ്രമം നടന്നിട്ടുണ്ട്.
വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി പരിശോധന നടത്തി.
പ്രദേശവാസികൾക്ക് പൊലീസ് ജാഗ്രതാ നിർദ്ദേശം നൽകിയിട്ടുണ്ട്. റെസിഡൻസ് അസോസിയേഷനുകളുടെ യോഗവും പൊലീസ് വിളിച്ചു ചേർത്തു.
#Kuruvagang #again #spread #terror #Alappuzha #Robbery #attempted #robbery #two #houses #warning #people
.jpeg)
