കണ്ണൂർ : (truevisionnews.com) എക്സൈസ് സംഘത്തിന്റെ റെയ്ഡിൽ ഉടമസ്ഥനില്ലാത്ത നിലയിൽ കണ്ടെത്തിയ വാഷ് നശിപ്പിച്ചു.
പയ്യാവൂർ, കാഞ്ഞിരക്കൊല്ലി- കുട്ടി മാവ് എന്ന സ്ഥലത്തുള്ള തോട്ടുചാലിന് സമീപത്ത് ശ്രീകണ്ഠാപുരം എക്സൈസ് റേഞ്ച് ഓഫീസിലെ അസി: എക്സൈസ് ഇൻസ്പെക്ടർ പി.ആർ. സജീവിൻ്റെ നേതൃത്വത്തിൽ നടത്തിയ പരിശോധനയിലാണ് വാഷും വാറ്റു സങ്കേതവും കണ്ടെത്തി നശിപ്പിച്ചത്.
ഉടമസ്ഥനില്ലാത്ത നിലയിൽ കാണപ്പെട്ട 100 ലിറ്റർ വാഷ് കണ്ടെടുത്ത് അബ്കാരി നിയമപ്രകാരം കേസെടുത്തു.
പരിശോധന സംഘത്തിൽ പ്രിവൻ്റീവ് ഓഫീസർ എം.എം.ഷഫീക് സിവിൽ എക്സൈസ് ഓഫീസർ അഖിൽജോസ് വനിത സിവിൽ എക്സൈസ് ഓഫീസർ പി.കെ.മല്ലിക എന്നിവർ പങ്കെടുത്തു.
#During #raid #Excise #team #wash #found #without #owner #destroyed.
