കൊല്ക്കത്ത: (truevisionnews.com) ചികിത്സതേടിയെത്തിയ യുവതിയെ പീഡിപ്പിച്ച കേസില് പശ്ചിമബംഗാളില് ഡോക്ടര് അറസ്റ്റില്.
സ്വകാര്യ പ്രാക്ടീസ് നടത്തുന്ന നൂര് ആലം സര്ദാറിനെയാണ് 26-കാരിയെ പീഡിപ്പിച്ചുവെന്ന പരാതിയില് ഹസ്നാബാദ് പോലീസ് അറസ്റ്റുചെയ്തത്. നോര്ത്ത് 24 പര്ഗാനാസിലെ ഹസ്നാബാദിലാണ് സംഭവം.
മയങ്ങാനുള്ള മരുന്ന് കുത്തിവെച്ച ശേഷം പീഡിപ്പിക്കുകയും ദൃശ്യം ചിത്രീകരിക്കുകയും ചെയ്തു എന്നാണ് പരാതി. ദൃശ്യം സാമൂഹികമാധ്യമങ്ങളില് പ്രചരിപ്പിക്കുമെന്ന് ഭീഷണിപ്പെടുത്തി നാലുലക്ഷം രൂപ തട്ടി.
വീഡിയോ കാണിച്ച് ബ്ലാക്മെയില് ചെയ്ത് പലതവണ പീഡിപ്പിച്ചുവെന്നും പരാതിയില് പറയുന്നു.
യുവതിയും ഭര്ത്താവും നല്കിയ പരാതിയിലാണ് നൂര് ആലം സര്ദാറിനെതിരെ ഹസ്നാബാദ് പോലീസ് കേസെടുത്തത്. വീടിനോട് ചേര്ന്ന് നടത്തുന്ന ക്ലിനിക്കില്നിന്നാണ് നൂര് ആലം സര്ദാറിനെ പോലീസ് കസ്റ്റഡിയില് എടുത്തത്.
പരാതിക്കാരിയുടെ രഹസ്യമൊഴി രേഖപ്പെടുത്തി. കോടതിയില് ഹാജരാക്കിയ പ്രതിയെ നാലുദിവസത്തെ പോലീസ് കസ്റ്റിഡിയില് വിട്ടു.
#year #old #woman #who #treatment #tortured #injecting #drugs #filmed #doctor #arrested
