തലശ്ശേരി : (truevisionnews.com) നിർത്തിയിട്ട ഓട്ടോറിക്ഷ കവർച്ച നടത്തിയ പ്രതി തലശ്ശേരി പോലീസിൻ്റെ പിടിയിൽ.
കഴിഞ്ഞ ദിവസം പട്ടാപ്പകൽ തലശ്ശേരി പുതിയ ബസ് സ്റ്റാന്റ് പരിസരത്ത് നിർത്തിയിട്ട ഓട്ടോറിക്ഷ കവർച്ച നടത്തിയ പ്രതിയാണ് പിടിയിലായത്.
വടക്കുമ്പാട് ഗംട്ടിക്കടുത്തുള്ള തളറോട്ട് വീട്ടിൽ കെ.കെ.സജീറിനെ യാണ് തലശ്ശേരി പോലീസ് അറസ്റ്റ് ചെയ്തത്. കഴിഞ്ഞ 14 ന് ഉച്ചക്ക് പച്ചക്കറി മാർക്കറ്റിനടുത്ത് വെച്ച് പിണറായി സ്വദേശി സി.രാജേഷിന്റെ ഉടമസ്ഥതയിലുള്ള കെ.എൽ. 58 എഫ് 8913 ടാറ്റാ ഓട്ടോറിക്ഷയാണ് കവർച്ച നടത്തിയത്.
തുടർന്നുള്ള പോലീസ് അന്വേഷണത്തിൽ ഓട്ടോറിക്ഷ കണ്ണൂർ ആയിക്കരയിൽ സി.എച്ച്.സെന്ററിനടുത്ത് റോഡിലെ ഒരു കെട്ടിടത്തിനടുത്തായി നിർത്തിയിട്ട നിലയിൽ കണ്ടെത്തുകയാണ് ഉണ്ടായത്.
ഇവിടെയുള്ള സി.സി.ടി.വി.ദൃശ്യങ്ങളുടെ പരിശോധനയിലാണ് പ്രതിയെ പോലീസ് കണ്ണൂർ മാർക്കറ്റ് പരിസരത്ത് നിന്നും കണ്ടെത്തിയത്.
പ്രതിയുടെ ആധാർ രേഖയിൽ വീട്ട് പേര് പാട്യത്തെ വലിയ പറമ്പത്ത് വീട്ടിലാണെന്നും തിരിച്ചറിഞ്ഞതായി പോലീസ് അറിയിച്ചു. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
#Accused #custody #accused #who #robbed #stopped #autorickshaw #arrested #police
