#arrest | മുതുകിൽ പുഴു ഉണ്ടെന്ന് പറഞ്ഞ് ശ്രദ്ധ ​തെറ്റിച്ചു; വയോധികയുടെ മാല പൊട്ടിച്ച പ്രതി പിടിയിൽ

തുറവൂർ: (truevisionnews.com)മുതുകിൽ പുഴു ഉ​ണ്ടെന്ന് പറഞ്ഞ് ശ്രദ്ധതെറ്റിച്ച് കാൽനടയാത്രക്കാരിയുടെ സ്വർണമാല കവർന്നയാൾ പിടിയിൽ.

Also read: #nanthancodumurder | 'വീഡിയോ കണ്ടാണ് കേഡല്‍ മഴു ഉപയോഗിച്ച് കഴുത്ത് മുറിക്കാന്‍ പഠിച്ചത്', നന്ദന്‍കോട് കേസിൽ മൊഴി

വയോധികയുടെ ഒന്നേമുക്കാൽ പവൻ സ്വർണമാല കവർന്ന് സ്കൂട്ടറിൽ കടന്നുകളഞ്ഞ അരൂർ പഞ്ചായത്ത് ഒമ്പതാം വാർഡ് കിഴക്കേ പണ്ടാരകാട്ടിൽ അൻസാറാണ് (42) പിടിയിലായത്.

കുത്തിയതോട് പൊലീസാണ് പ്രതിയെ പിടികൂടിയത്. ആലയ്ക്കാപറമ്പിൽ കോലത്തുപറമ്പ് ആനിയുടെ മാലയാണ് ഇയാൾ മോഷ്‌ടിച്ചത്.

Also read: #theftcase | അധ്യാപികയുടെ നാലു പവൻ മാല ഹെൽമറ്റ് ധരിച്ചു ബൈക്കിലെത്തി പൊട്ടിച്ചെടുത്തു, പ്രതി പിടിയിൽ

കഴിഞ്ഞ പത്താം തീയതി തുറവൂർ മഹാക്ഷേത്രത്തിനു തെക്കുവശം ഇടുങ്ങിയ റോഡിലൂടെ നടന്നു പോകുന്നതിനിടെ സ്‌കൂട്ടറിലെത്തിയ അൻസാർ, ആനിയുടെ മുതുകിൽ പുഴു ഇരിക്കുന്നതായി പറയുകയായിരുന്നു.

ഇവർ പിന്നിലേക്ക് നോക്കുന്നതിനിടെ മാല പൊട്ടിച്ചു സ്കൂട്ടർ ഓടിച്ചുപോയി.

Also read: #Theft | അടുക്കളവാതില്‍ പൊളിച്ച് മോഷണം; ആഭരണങ്ങളോടൊപ്പം കവർന്നത് ഒരു മദ്യക്കുപ്പിയും

മോഷ്ടിച്ച ശേഷം പണയം വെച്ച മാല പിന്നീട് പൊലീസ് കണ്ടെടുത്തു. പ്രതിയെ ചേർത്തല ജുഡീഷ്യൽ ഒന്നാം ക്ലാസ്സ് മജിസ്ട്രേറ്റ് കോടതിയിൽ ഹാജരാക്കി.

കുത്തിയതോട് സ്റ്റേഷൻ ഓഫിസർ അജയ് മോഹന്റെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്.

#Distracted #saying #worm #her #back #Suspect #arrested #breaking #elderly #woman #necklace