കാളികാവ് (മലപ്പുറം): (truevisionnews.com) ജനൽ പൊളിച്ച് പള്ളിയിൽ മോഷണം നടത്തിയ പ്രതിയെ മണിക്കൂറിനുള്ളിൽ കാളികാവ് പോലീസ് പിടികൂടി .
വെന്തോടൻപടി പള്ളിയിലാണ് ബുധനാഴ്ച രാത്രി മോഷണം നടന്നത്. അസമിലെ നഗാവു ജില്ലയിൽ നിന്നുള്ള മൻജിൽ ഇസ്‌ലാം (27) ആണ് പോലീസ് പിടിയിലായത്.
രാത്രി പട്രോളിങ്ങിനിടെ ചോദ്യംചെയ്ത് വിട്ടയച്ചയാളാണ് മോഷണക്കേസിൽ പിടികൂടിയത്. പള്ളിയുടെ നേർച്ചപ്പെട്ടി കുത്തിത്തുറന്നാണ് മോഷണം.
പുറ്റമണ്ണയിലെ കടവരാന്തയിൽ കിടന്നുറങ്ങിയിരുന്ന പ്രതിയെ പരിശോധിച്ചപ്പോൾ മോഷണമുതലുകൾ കണ്ടെത്തി.
കാളികാവ് എസ്.ഐ. വി. ശശിധരൻ, എ.എസ്.ഐ. ഇല്ലിക്കൽ അൻവർ സാദത്ത്, എസ്.സി.പി.ഒ. ക്ലിൻറ് ജേക്കബ്, സി.പി.ഒ.മാരായ വി. ബാബു, എം.കെ. മഹേഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.
#Theft #church #breaking #window #suspect #arrested
