കണ്ണൂര്‍: (truevisionnews.com ) മുതിര്‍ന്ന സിപിഐഎം നേതാവും മുന്‍ എല്‍ഡിഎഫ് കണ്‍വീനറുമായ ഇ പി ജയരാജന്‍ അഴീക്കോടന്‍ രാഘവന്‍ അനുസ്മരണ പരിപാടിയില്‍ പങ്കെടുത്തില്ല.
ഇന്ന് പയ്യാമ്പലത്ത് നടക്കുന്ന അനുസ്മരണ ചടങ്ങില്‍ ഇ പി ജയരാജന്‍ എത്തും എന്നായിരുന്നു ജില്ലാ കമ്മിറ്റി അറിയിച്ചത്. എന്നാല്‍ എം എം ലോറന്‍സിന്റെ മരണത്തെ തുടര്‍ന്ന് ഇ പി ജയരാജന്‍ എറണാകുളത്തേക്ക് തിരിച്ചിരിക്കുകയാണ്.
എല്‍ഡിഎഫ് കണ്‍വീനര്‍ സ്ഥാനത്തുനിന്ന് മാറ്റിയതിന് ശേഷം ഇ പി പാര്‍ട്ടി പരിപാടികളില്‍ എത്തിയിട്ടില്ല.
സിപിഐഎം ദേശീയ ജനറല്‍ സെക്രട്ടറിയായിരുന്ന സീതാറാം യെച്ചൂരിയുടെ മരണത്തെ തുടര്‍ന്ന് ഡല്‍ഹിയിലെത്തി അനുശോചനം രേഖപ്പെടുത്തിയതൊഴിച്ചാല്‍ ഇ പി കഴിഞ്ഞ 23 ദിവസമായി പൊതുപരിപാടികളില്‍ പങ്കെടുക്കാനോ പാര്‍ട്ടി കമ്മിറ്റികളില്‍ പങ്കെടുക്കാനോ തയ്യാറായിട്ടില്ല.
#EPJayarajan #Ernakulam #pay #last #respects #MMLawrence #AzhikodanRaghavan #did #not #attend #commemoration
