കണ്ണൂർ: (truevisionnews.com) യുവതിയുടെ ജീവൻ രക്ഷിച്ച് റെയിൽവേ പോലീസ്. ട്രെയിൻ മാറിക്കയറിയതിനെ തുടർന്ന് വേഗത്തിൽ ഇറങ്ങുമ്പോൾ വണ്ടിക്കും പ്ലാറ്റ്ഫോമിനും ഇടയിൽ വീണ യുവതിയാണ് രക്ഷപ്പെട്ടത്.
വെള്ളിയാഴ്ച വൈകീട്ട് 6.40-ന് കണ്ണൂർ റെയിൽവേ സ്റ്റേഷനിലാണ്‌ സംഭവം. എറണാകുളത്തേക്ക് യാത്ര ചെയ്യേണ്ടിയിരുന്ന യുവതി മംഗളൂരുഭാഗത്തേക്കുള്ള പരശുറാം എക്‌സപ്രസിൽ മാറിക്കയറുകയായിരുന്നു. ട്രെയിൻ നീങ്ങിത്തുടങ്ങിയപ്പോഴാണ് വണ്ടി മാറിയത് അറിഞ്ഞത്.
ഉടൻ ചാടി ഇറങ്ങുകയായിരുന്നു. പിടിവിട്ട് വണ്ടിക്കടിയിലേക്ക് വീഴുന്നതിനിടെയാണ് ഡ്യൂട്ടിയിലുണ്ടായിരുന്ന റെയിൽവേ പോലീസ് ഉദ്യോഗസ്ഥർ കണ്ടതും രക്ഷിച്ചതും.
റെയിൽവേ സീനിയർ സിവിൽ പോലീസ് ഓഫീസർ കെ. സുധീഷ്‌കുമാറും സിവിൽ പോലീസ് ഓഫീസർ പി.വി. റെനീഷുമാണ് രക്ഷകരായത്.
സ്റ്റേഷനിലെ സി.സി.ടി.വി.യിൽ നിന്നുള്ള വീഡിയോ നിമിഷങ്ങൾക്കുള്ളിൽ വൈറലായി.
#railway #police #saved #woman's #life.
