കണ്ണൂർ : (truevisionnews.com) കൂട്ടുപുഴ എക്സൈസ് ചെക്ക്പോസ്റ്റിൽ വൻ ലഹരിവേട്ട . 8.140 ഗ്രാം മെത്താംഫിറ്റമിനുമായി കണ്ണൂർ സ്വദേശി പിടിയിൽ.
കണ്ണൂർ സൗത്ത് ബസാറിലെ ടി. ഗോകുൽദാസ് (22)ആണ് അറസ്റ്റിലായത് . ഇയാൾക്കെതിരെ എൻഡിപിഎസ്‌ ആക്റ്റ് പ്രകാരം കേസെടുത്തു.
മെത്താഫിറ്റമിൻ കടത്തി കൊണ്ടുവന്ന സ്കൂട്ടറും കസ്റ്റഡിയിലെടുത്തു. കൂട്ടുപുഴ എക്സൈസ് ചെക്ക്പോസ്റ്റിലെ എക്സൈസ് ഇൻസ്പെക്ടർ വി ആർ രാജീവും, സംഘവും ചേർന്ന് നടത്തിയ വാഹന പരിശോധനയിലാണ് ബാംഗ്ലൂരിൽ നിന്നും TN 74 AS 3195 ഡിയോ സ്കൂട്ടറിൽ വില്പനയ്ക്കായി കടത്തി കൊണ്ടുവന്ന മെത്താംഫിറ്റമിൻ പിടികൂടിയത്.
അസിസ്റ്റന്റ് എക്സൈസ് ഇൻസ്പെക്ടർ വി.മനോജ്‌ , പ്രിവൻ്റീവ് ഓഫീസർ ഗ്രേഡ് ഇ.സുജിത്ത് , സിവിൽ എക്സൈസ് ഓഫീസർ സി.എച്ച് ഫെമിൻ, വനിത സിവിൽ എക്സൈസ് ഓഫീസർ പി.പി ഐശ്വര്യ, സിവിൽ എക്സൈസ് ഓഫീസർ ഡ്രൈവർ കെ.പി ജൂനിഷ് എന്നിവരും പ്രതിയെ പിടികൂടിയ സംഘത്തിൽ ഉണ്ടായിരുന്നു.
#Big #drunk #hunt #native #Kannur #arrested #with #8.140 #grams #methamphetamine
