മമ്പാട്: (truevisionnews.com) സ്വാതന്ത്ര ദിനത്തില്‍ 'ദേശഭക്തിയുള്ള ഒരു കാക്കയുടെ സഹായം' എന്ന രീതിയിൽ സാമൂഹിക മാധ്യമങ്ങളിൽ വ്യാപകമായി പ്രചരിക്കുന്ന വീഡിയോയുടെ യാഥാർഥ്യമെന്തെന്ന ചോദ്യമാണ് ഇപ്പോൾ ഉയരുന്നത്.
കാട്ടുമുണ്ട മാരമംഗലം അംഗനവാടിയിൽ സ്വാതന്ത്ര ദിന പരുപാടിയോടനുബന്ധിച്ച് നടന്ന പതാകയുയര്‍ത്തലിന്റെ വീഡിയോയാണ് സാമൂഹിക മാധ്യമങ്ങളിൽ തരംഗമായത്.
പതാകയുയര്‍ത്തിയപ്പോൾ കെട്ട് മുറുകിയെന്നും ഒരു കാക്ക പറന്നുവന്ന് സഹായിച്ചതോടെയാണ്‌ പതാകയില്‍ പൊതിഞ്ഞ പൂക്കള്‍ അഴിഞ്ഞ് താഴേയ്ക്ക് വീണതെന്നുമാണ് വൈറൽ വീഡിയോയിലൂടെ പ്രചരിക്കുന്നത്.
എന്നാൽ വീഡിയോ സൂക്ഷ്മമായി വീക്ഷിക്കുകയാണെങ്കിൽ കാക്ക വന്നിരിക്കുന്നത് കൊടിമരത്തിന് പിന്നിലെ തെങ്ങോലയിലാണെന്ന് മനസിലാകും.
കുട്ടികളുടെ കയ്യടിയും ആളുകളുടെ ശബ്ദവും കേട്ടാണ് കാക്ക ഓലയില്‍ നിന്നും പറന്നു പോയത്. ഇത് വ്യക്തമാക്കുന്ന സമാന സംഭവത്തിന്റെ മറ്റൊരു വീഡിയോയും പുറത്തുവന്നിട്ടുണ്ട്.
#Help #Patriotic #Crow #truth #behind #video #went #viral #Independence #Day
_(8).jpeg)
