#arrest | ഒഡീഷയിൽ നിന്നും കഞ്ചാവ് കടത്തുന്ന സംഘത്തിലെ തലശ്ശേരി സ്വദേശി യുവാവ് അറസ്റ്റിൽ

തലശ്ശേരി :(www.truevisionnews.com) തലശ്ശേരിയിൽ വൻകഞ്ചാവ് വേട്ട. നാല് കിലോ ഇരുനൂറ് ഗ്രാം കഞ്ചാവുമായി യുവാവിനെ പോലീസ് പിടികൂടി. ഒഡീഷയിൽ നിന്നും സ്ഥിരമായി കഞ്ചാവ് കടത്തുന്ന സംഘത്തിലെ മുഴപ്പിലങ്ങാട് സ്വദേശി വയലിൽ ഹൗസിൻ കാസിം( 35 ) ആണ് പിടിയിലായതെന്ന് പൊലീസ് പറഞ്ഞു.

Also read: #theftcase | അമ്മയും മകനും ചേർന്ന് നടത്തിയ മോഷണ നാടകം പൊളിഞ്ഞു, സ്വർണവും പണവും നൽകാതിരിക്കാൻ കെട്ടിച്ചമച്ചതെന്ന് പൊലീസ്

രഹസ്യവിവരത്തെ തുടർന്ന് കണ്ണൂർ പോലീസ് കമ്മീഷണറുടെ ലഹരി വിരുദ്ധ സ്വാക്വാഡും തലശ്ശേരി എ എസ് പി സഹിൻഷയും സംഘവുമാണ് കഞ്ചാവ് പിടികൂടിയത്.

ഒഡീഷയിൽ നിന്നും ട്രയിൻ മാർഗ്ഗം തലശ്ശേരിയിൽ എത്തിച്ച കഞ്ചാവാണ് റെയിൽവെ സ്റ്റേഷൻ പരിസരത്ത് വെച്ച് പോലീസ് സംഘം പിടികൂടിയത്.

Also read: #mdma | വടകര ആയഞ്ചേരിയിൽ അഞ്ച് ഗ്രാം എംഡിഎംഎയുമായി രണ്ടു പേർ പിടിയിൽ

ആറ് മാസങ്ങൾക്ക് മുൻപ് 8 കിലോ കഞ്ചാവുമായി ഇയാളെ കൂത്തുപറമ്പിൽ നിന്നും പോലീസ് പിടികൂടിയിരുന്നു.ഇതിന് ശേഷം ജാമ്യത്തിൽ ഇറങ്ങിയ ശേഷമാണ് വീണ്ടും കഞ്ചാവ് കടത്ത് നടത്തിയത്.

തലശ്ശേരി എസ്.ഐ. ദീപ്തി, ലഹരി വിരുദ്ധ സ്ക്വാഡ് അംഗങ്ങളായ ശ്രീജേഷ്, മിഥുൻ, ഹിരൺ, അനൂപ്, അബ്ദുൾനിശാന്ത്, ബിജു എന്നിവരടങ്ങിയ സംഘമാണ് പ്രതിയെ പിടികൂടിയത്.

Also read: #drugs | കൊച്ചിയില്‍ നിന്നും വിദേശത്തേക്ക് രാസലഹരി കടത്താന്‍ ശ്രമിച്ചു, പ്രതികള്‍ക്ക് കഠിന തടവും പിഴയും വിധിച്ചു

കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.

#youth #from #Thalassery #arrested #gang #smuggled #ganja #Odisha