പയ്യോളി: (truevisionnews.com) കണ്ണൂരിൽ നിന്ന് ഷൊർണൂരിലേക്കും തിരിച്ചുമുള്ള സ്പെഷൽ ട്രെയിനിന് പയ്യോളിയിൽ സ്റ്റോപ് അനുവദിച്ചതായി ദക്ഷിണ റെയിൽവേ പാലക്കാട് ഡിവിഷൻ അറിയിച്ചു.
ആഗസ്റ്റ് ഒന്നു മുതൽ ബുധൻ, വ്യാഴം, വെള്ളി, ശനി ദിവസങ്ങളിൽ കണ്ണൂരിൽ നിന്ന് ഷൊർണൂരിലേക്ക് പോകുന്ന 6032 ാം നമ്പർ ട്രെയിൻ രാവിലെ 8.57ന് ഒരു മിനിറ്റ് പയ്യോളിയിൽ നിർത്തും.
ചൊവ്വ, ബുധൻ, വ്യാഴം, വെള്ളി ദിവസങ്ങളിൽ ഷൊർണൂരിൽ നിന്ന് കണ്ണൂരിലേക്ക് പോകുന്ന 6031 ാം നമ്പർ ട്രെയിൻ വൈകീട്ട് 6.13ന് ജൂലൈ 31 മുതൽ ഒരു മിനിറ്റുമാണ് പയ്യോളിയിൽ നിർത്തുക.
കഴിഞ്ഞ ജൂലൈ രണ്ടിനാണ് പുതിയ സ്പെഷൽ ട്രെയിൻ ഓടിത്തുടങ്ങിയത്. ഒക്ടോബർ 31 വരെയാണ് റെയിൽവേ നിലവിലെ ട്രെയിൻ സർവിസ് പരീക്ഷണാടിസ്ഥാനത്തിൽ അനുവദിച്ചിരിക്കുന്നത്.
#Kannur #Shornur #Special #Train #Stopped #Payyoli
![](https://tvn.zdn.im/img/truevisionnews.com/0/assets/images/truevision-whatsapp.jpeg)