കോഴിക്കോട്: (truevisionnews.com) സ്വകാര്യ ആശുപത്രിയില് ചികിത്സയില് കഴിയുന്ന മൂന്നര വയസ്സുകാരന് അമീബിക് മസ്തിഷ്കജ്വരം സ്ഥിരീകരിച്ചു.
പോണ്ടിച്ചേരിയില് നടന്ന പിസിആര് പരിശോധനയിലാണ് രോഗം സ്ഥിരീകരിച്ചത്. രോഗലക്ഷണങ്ങളോടെ പരിയാരം മെഡിക്കല് കോളേജ് ആശുപത്രിയില് പ്രവേശിപ്പിച്ച കുട്ടിയെ കഴിഞ്ഞ ശനിയാഴ്ച്ചയാണ് കോഴിക്കോട് സ്വകാര്യ ആശുപത്രിയിലേക്ക് മാറ്റിയത്.
വെന്റിലേറ്ററില് കഴിയുന്ന കുട്ടി മരുന്നുകളോട് പ്രതികരിക്കുന്നുണ്ടെന്ന് ഡോക്ടര്മാര് അറിയിച്ചു. തളിപ്പറമ്പില് വെള്ളച്ചാട്ടത്തില് കുളിച്ച ശേഷമാണ് കുട്ടിക്ക് രോഗലക്ഷണങ്ങളുണ്ടായത്.
അതേസമയം മറ്റൊരു കുട്ടി കൂടി അമീബിക് മസ്തിഷ്കജ്വര ലക്ഷണങ്ങളുമായി കോഴിക്കോട് ആശുപത്രിയില് ചികിത്സയിലാണ്.
കോഴിക്കോട് സ്വദേശിയായ നാലു വയസ്സുകാരന് ആണ് ചികിത്സയിലുള്ളത്. ഈ കുട്ടിയുടെ പരിശോധനാഫലം നാളെ (വെള്ളിയാഴ്ച്ച) ലഭിക്കും.
#three #and #a #half #year #old #boy #from #Kannur #diagnosed #amoebic #encephalitis
![](https://tvn.zdn.im/img/truevisionnews.com/0/assets/images/truevision-whatsapp.jpeg)