കണ്ണൂർ: ( www.truevisionnews.com ) പാനൂരിൽ മോഷണം ഒഴിവായത് നാട്ടുകാരുടെ ഇടപെടലിൽ. രാത്രിയിൽ വീട്ടിൽ മോഷ്ടാക്കൾ കയറുന്നത് ഗൾഫിലിരുന്ന് കണ്ട വീട്ടുടമ നാട്ടുകാരെ വിവരമറിയിച്ചതിന് പിന്നാലെയാണ് മോഷണം ഒഴിവായത്.
പാനൂരിനടുത്ത് കുന്നോത്ത് പറമ്പിലെ പ്രവാസിയായ സുനിൽ കുമാറിൻ്റെ വീട്ടിലാണ് മോഷ്ടാക്കളെത്തിയത്. നാല് മാസം മുമ്പാണ് വീട് പൂട്ടി സുനിൽ കുമാർ യു.എ.ഇയിലേക്ക് മടങ്ങിയത്.
സി.സിടിവിയിൽ മോഷ്ടാക്കളെത്തുന്നത് കണ്ട സുനിൽ കുമാർ നാട്ടുകാരെയും, കൊളവല്ലൂർ പൊലീസിനെയും വിവരമറിയിക്കുകയായിരുന്നു.
നാട്ടുകാരെത്തുമ്പോഴേക്കും മോഷ്ടാക്കൾ ഓടി മറയുകയായിരുന്നു. സ്ഥലത്ത് പൊലീസ് തിരച്ചിൽ നടത്തി.രണ്ട് പേരാണ് സംഘത്തിൽ ഉണ്ടായിരുന്നതെന്ന് സുനിൽ പറഞ്ഞു .
#owner #house #saw #thieves #entering #house #night #while #sitting #gulf #panoor #theft #avoided #due #intervention #locals
.jpg)
