കല്‍പ്പറ്റ: ( www.truevisionnews.com ) പ്രായപൂര്‍ത്തിയാകാത്ത കുട്ടിക്കെതിരെ ലൈംഗികാതിക്രമം നടത്തിയ പ്രതിക്ക് വിവിധ വകുപ്പുകളിലായി 44 വര്‍ഷം കഠിന തടവും രണ്ടേകാല്‍ ലക്ഷം രൂപ പിഴയും.
മാണ്ടാട് മുട്ടില്‍മല കോടാലി രാമന്‍ എന്ന രാമന്‍ (59) നെയാണ് കല്‍പ്പറ്റ ഫാസ്റ്റ് ട്രാക്ക് സ്‌പെഷ്യല്‍ കോടതി ജഡ്ജ് കെ ആര്‍ സുനില്‍കുമാര്‍ ശിക്ഷിച്ചത്. 2019 സെപ്തംബര്‍ മാസത്തിലാണ് കേസിനാസ്പദമായ സംഭവം നടന്നത്.
അന്നത്തെ കല്‍പ്പറ്റ പോലീസ് ഇന്‍സ്‌പെക്ടര്‍ എസ് എച്ച് ഒ ആയിരുന്ന പി പ്രമോദ് ആണ് കേസില്‍ അന്വേഷണം നടത്തി കുറ്റപത്രം സമര്‍പ്പിച്ചത്.
സീനിയര്‍ സിവില്‍ പൊലീസ് ഓഫീസര്‍മാരായിരുന്ന പി ഷാനിതയും, എ പി ആയിഷാബിയും അന്വേഷണ സംഘത്തിലുണ്ടായിരുന്നു.
പ്രോസിക്യൂഷന് വേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ അഡ്വ. ജി ബബിത ഹാജരായി. സിവില്‍ പൊലീസ് ഓഫീസറായ റമീന പ്രോസിക്യൂഷനെ സഹായിച്ചു.
#sexual #assault #against #minor #accused #gets #44 #years #rigorous #imprisonment
.jpeg)
