മാനന്തവാടി: (truevisionnews.com) ബിജെപി സങ്കൽപ് പത്രം (മാനിഫെസ്റ്റോ) മലയാളം പതിപ്പ് മാനന്തവാടി ബിഷപ്പിന് നൽകി സംസ്ഥാന അദ്ധ്യക്ഷൻ കെ.സുരേന്ദ്രൻ പ്രകാശനം നിർവഹിച്ചു.
ബിഷപ്പ് ഹൗസിലെത്തിയായിരുന്നു വയനാടിൻ്റെ ഏറ്റവും വലിയ ആവശ്യങ്ങളിലൊന്നായ മനുഷ്യ വന്യമൃഗ സംഘർഷം ഉൾപ്പെടുന്ന പ്രധാനമന്ത്രി പുറത്തിറക്കിയ സങ്കൽപ് പത്രം കെ.സുരേന്ദ്രൻ ബിഷപ്പ് മാർ ജോസ് പൊരുന്നേടത്തിന് നൽകിയത്.
വയനാടൻ ജനതയുടെ ആവശ്യം പ്രകടനപത്രികയിൽ ഉൾപ്പെടുത്തിയത് സ്വാഗതാർഹമാണെന്ന് ബിഷപ്പ് പറഞ്ഞു. എത്രയും പെട്ടെന്ന് ഇത് നടപ്പിലാക്കാൻ കഴിയട്ടെയെന്നും അദ്ദേഹം പറഞ്ഞു.
വന്യജീവി ശല്ല്യം പരിഹരിക്കണമെന്ന ബിഷപ്പിൻ്റെ ആവശ്യത്തോട് ബിജെപി ദേശീയ നേതൃത്വം പോസിറ്റീവായി പ്രതികരിച്ചതിൻ്റെ ഉദ്ദാഹരണമാണ് ഈ പ്രകടനപത്രിക.
കർഷകരുടെ നിരവധി പ്രശ്നങ്ങൾക്കുള്ള പരിഹാരം സങ്കൽപ് പത്രത്തിൽ ഉൾപ്പെടുത്തിയിട്ടുണ്ടെന്നും കെ.സുരേന്ദ്രൻ പറഞ്ഞു. ജില്ലാ പ്രസിഡൻ്റ് പ്രശാന്ത് മലയിൽ, ഫാദർ നോബിൾ തോമസ് പാറക്കൽ, കൂവണ വിജയൻ എന്നിവർ ചടങ്ങിലുണ്ടായിരുന്നു.
#KSurendran #gave #manifesto #to #Mananthavadi #Bishop
