തൃത്താല: (truevisionnews.com) പുഷ്പങ്ങളുമായി കുരുന്നുകള്, ഹാരമണിയിച്ച് മുതിര്ന്നവര്, പുസ്തകങ്ങളുമായി വീട്ടമ്മമാര്, അനുഗ്രഹാശിസ്സുകളുമായി അമ്മമാര്, ആവേശം വാരിക്കോരി യുവ വോട്ടര്മാര്.
തൃത്താല നിയമസഭാ മണ്ഡലത്തില് ഓളം തീര്ത്ത് പൊന്നാനി ലോക്സഭാ മണ്ഡലം എല്.ഡി.എഫ് സ്ഥാനാര്ത്ഥി കെ.എസ് ഹംസയുടെ പര്യടനം തുടരുന്നു.
പൊന്നാനിയുടെ മാറ്റത്തിനായി പടനയിക്കുന്ന ഹംസയ്ക്ക് ഐക്യമോതിയാണ് മണ്ഡലത്തിലെ വോട്ടര്മാര് സ്ഥാനാര്ത്ഥിയെ വരവേറ്റത്. രാവിലെ മുതല് രാത്രി വരെ നീണ്ട പര്യടനം മണ്ഡലത്തെ ആവേശത്തേരിലേറ്റി.
സ്ത്രീകളടെയും യുവാക്കളുടെയും പങ്കാളിത്തം മണ്ഡലത്തിന്റെ മനസ് വ്യക്തമാക്കുന്നതായി. പരുതൂര്, പട്ടിത്തറ, തൃത്താല, നാഗലശേരി, തിരുമിറ്റക്കോട്, ചാലിശ്ശേരി, കപ്പൂര് പഞ്ചായത്തുകളിലൂടെയായിരുന്നു പര്യടനം.
പരുതൂര് പഞ്ചായത്തിലെ നാടപറമ്പില്നിന്നായിരുന്നു തുടക്കം. നാനാതുറകളിലുള്ളവര് പര്യടനകേന്ദ്രങ്ങളില് സ്ഥാനാര്ത്ഥിക്ക് അഭിവാദ്യമര്പ്പിക്കാനെത്തി. അമ്മമാരും യുവാക്കളും ഹംസയെ സ്നേഹ പൂര്വ്വം വരവേറ്റു.
മാറ്റത്തിനായി തൃത്താലയുടെ മനസ് പാകപ്പെട്ടതിന്റെ നേര്ക്കാഴ്ചയായിരുന്നു സ്വീകരണ കേന്ദ്രങ്ങളിലെ ആവേശം. വിവിധ കേന്ദ്രങ്ങളില് ടി.പി കുഞ്ഞുണ്ണി, കെ.പി ശ്രീനിവാസന്, എം.കെ പ്രദീപ്, പി.ആര് കുഞ്ഞുണ്ണി, വി.പി റജീന, ടി. ഷഫീക്, എം.പി കൃഷ്ണന്, ടി. സുധാകരന്,
കെ.സി നിമേഷ്, ടി. ഹംസ, ചന്ദ്രന് കക്കാട്ടിരി, ധനീഷ് അരേക്കത്ത്, എ.കെ ദേവദാസ്, മുടവന്നൂര് രാജന്, ഇ.ടി ഹൈദ്രോസ് എന്നിവര് പ്രസംഗിച്ചു. മുന് എം.എല്.എ വി.കെ ചന്ദ്രന്, പി.എന് മോഹനന്, പി. നൗഷാദ്, ടി.പി മുഹമ്മദ് എന്നിവര് സ്ഥാനാര്ത്ഥിയെ അനുഗമിച്ചു.
#KSHamza #raised #clamor #political #change; #LDF #performance #making #Trithala #red