(truevisionnews.com) ഐഫോണ്‍ മോഡലുകളോടുള്ള ആളുകളുടെ താല്‍പര്യത്തില്‍ ഒട്ടും കുറവ് ഇതുവരെയും വന്നിട്ടില്ല.2007 ല്‍ അന്നത്തെ ആപ്പിള്‍ മേധാവി സ്റ്റീവ് ജോബ്‌സ് ആദ്യ ഐഫോണ്‍ അവതരിപ്പിച്ചത് മുതൽ ഇന്ന് വരെയും ഒരേ കൗതുകത്തോടെയാണ് ആളുകൾ ഐഫോണിന്റെ വ്യത്യസ്ത മോഡലുകളെ ഉറ്റുനോക്കുന്നത്.
ഇതുകൊണ്ടുതന്നെ 2007 ല്‍ അവതരിപ്പിക്കപ്പെട്ട ആദ്യ ഐഫോണ്‍ കഴിഞ്ഞ കുറച്ച് വര്‍ഷങ്ങളായി പലരും ലേലത്തില്‍ വെക്കാറുണ്ട്. വന്‍ തുകയ്ക്കാണ് ഇവ വിറ്റുപോകാറുള്ളത് .
ആദ്യ ഐഫോണുകളിലൊന്ന് ലേലത്തിന് വെച്ചിരിക്കുകയാണിപ്പോൾ. 10000 ഡോളര്‍ അടിസ്ഥാന വില നിശ്ചയിച്ചിരിക്കുന്ന ഫോണിന് രണ്ട് ലക്ഷം വരെ കിട്ടിയേക്കാം എന്നാണ് കണക്കുകൂട്ടല്‍.
എല്‍എസ്ജി ഓക്ഷന്‍സിലാണ് ലേലം നടക്കുന്നത്. പഴയ ഐഫോണ്‍ എന്നതിലുപരി ആപ്പിള്‍ പരിമിതമായ എണ്ണം മാത്രം നിര്‍മിച്ച 4 ജിബി റാം വേരിയന്റാണ് ഇത്തവണ ലേലത്തില്‍ വെച്ചിരിക്കുന്നത്.
കഴിഞ്ഞ വര്‍ഷം ഈ നാല് ജിബി മോഡലുകളിലൊന്ന് ലേലത്തില്‍ പോയത് 190000 ഡോളറിനാണ് (1.57 ലക്ഷത്തിലേറെ രൂപ). എട്ട് ജിബി മോഡല്‍ ലേലത്തില്‍ പോയതിനേക്കാള്‍ കൂടുതല്‍ തുകയാണിത്.യഥാര്‍ത്ഥ പാക്കേജിലുള്ള തുറന്നിട്ടില്ലാത്തതും ഉപയോഗിച്ചിട്ടില്ലാത്തതുമായ ഫോണ്‍ ആണ് ലേലത്തിനുള്ളത്.
എന്തായാലും ഇത് വാങ്ങുന്നയാള്‍ ആപ്പിള്‍ കടുത്ത ആരാധകനായിരിക്കും എന്നതില്‍ സംശയമില്ല.
ആപ്പിള്‍ പുതിയ ഐഫോണ്‍ 16 അവതരിപ്പിക്കാന്‍ ഒരുങ്ങുകയാണ്. ഐഫോണിന്റെ സോഫ്റ്റ് വെയര്‍ തലത്തിലും ഡിസൈന്‍ തലത്തിലും എഐ അധിഷ്ഠിത മാറ്റങ്ങളും ഉൾപ്പെടുത്തി ഇത്തവണ വലിയൊരു മാറ്റം ഐഫോണിന്റെ പുതിയ മോഡലിൽ ഉണ്ടാവുമെന്നാണ് പറയപ്പെടുന്നത്.
#iPhone #1stmodel #auction #initialprice #record #high
