(truevisionnews.com) വ്യത്യസ്തമായ മീൻ വിഭവങ്ങൾ മലയാളിക്കെന്നും പ്രിയമാണ്. മത്സ്യ വിഭവങ്ങളിൽ പ്രധാനിയാണ് കൂന്തൾ. കൂന്തൾ പൊരിച്ചത് ,കറിവച്ചത് ,റോസ്റ്റ് അങ്ങനെ കൂന്തളിൻറെ എല്ലാ വിഭവങ്ങളോടും നമ്മള് മലയാളികൾക്ക് ഒരിഷ്ടമുണ്ട്.കൂന്തൾറോസ്റ്റ് എങ്ങനെ എളുപ്പത്തിൽ ഉണ്ടാക്കാം എന്ന് നോക്കിയാലോ.
ചേരുവകൾ
കൂന്തൾ : കാൽകിലോ (വട്ടത്തിൽ അരിഞ്ഞത്)
സവാള : 2 എണ്ണം (ചെറുതായി അരിഞ്ഞത്)
തക്കാളി : 2 എണ്ണം (ചെറുതായി അരിഞ്ഞത്)
ഇഞ്ചി-വെളുത്തുളളി പേസ്റ്റ്: 1 സ്പൂൺ വീതം
കറിവേപ്പില : ആവശ്യത്തിന്
മുളക് പൊടി : 2 ടേബിൾ സ്പൂൺ
മഞ്ഞൾപ്പൊടി : ½ ടീസ്പൂൺ
മല്ലിപ്പൊടി : ½ ടീസ്പൂൺ
പെരുംജീരകപ്പൊടി : ¼ ടേബിൾ സ്പൂൺ
ഗരം മസാല : 1 ടേബിൾ സ്പൂൺ
ചിക്കൻ മസാല : 1 ടേബിൾ സ്പൂൺ
വെളിച്ചെണ്ണ : ആവശ്യത്തിന്
ഉപ്പ് : ആവശ്യത്തിന്
തയ്യാറാക്കുന്ന വിധം
ഒരു ബൗളിൽ കൂന്തളെടുത്ത് അതിലേക്ക് മുളക് പൊടി- 1 സ്പൂൺ, മഞ്ഞൾ പൊടി- ¼ സ്പൂൺ, ഗരം മസാല- ½ സ്പൂൺ, അല്പം ഉപ്പ് ഇവ ചേർത്ത് മസാല പുരട്ടി അര മണിക്കൂർ വെയ്ക്കുക.
അതിന് ശേഷം ആവശ്യത്തിനു വെളിച്ചെണ്ണ ഒഴിച്ച് ഇരുമ്പുചട്ടിയിൽ പൊരിച്ചെടുത്തു ഒരു പാത്രത്തിലേക്ക് മാറ്റി വയ്ക്കുക.
ശേഷം അതേ ഇരുമ്പു ചട്ടിയിൽ ആവശ്യത്തിനു എണ്ണയൊഴിച്ചു കടുക് പൊട്ടിച്ചു കറിവേപ്പില ഇട്ടു സവാള, തക്കാളി വഴറ്റുക. അതിലേക്കു ഇഞ്ചി-വെളുത്തുള്ളി പേസ്റ്റും ബാക്കിയുള്ള മസാല പൊടികളും ചേർത്ത് വഴറ്റുക.
ആവശ്യമെങ്കിൽ അല്പം വെള്ളം ചേർക്കാം. പൊടികളുടെ മണം മാറുന്ന വരെ ചെറുതീയിൽ അടച്ചു വേവിക്കുക.
ശേഷം പൊരിച്ചു വച്ചിരിക്കുന്ന കൂന്തൾ അതിലേക്കു ഇട്ടു അല്പം ചിക്കൻ മസാലയും ചേർത്ത് 3 മിനിറ്റ് അടച്ചു വച്ച് വേവിച്ച ശേഷം വാങ്ങി ചോറിന്റെ കൂടെയോ ചപ്പാത്തിയുടെ കൂടെയോ കഴിക്കാവുന്നതാണ് .
#SquidRoast
.jpeg)
