(truevisionnews.com) മുടിയുടെ ആരോഗ്യവുമായി ബന്ധപ്പെട്ട് മിക്കവരും പറയുന്നൊരു പരാതിയാണ് മുടി കൊഴിച്ചിൽ. മുടി കൊഴിച്ചിലുണ്ടാകുന്നതിന് പിന്നിൽ പല കാരണങ്ങളും ഉണ്ടാകാം.
ഹോർമോൺ പ്രശ്നങ്ങൾ, തൈറോയ്ഡ് പോലുള്ള ചില രോഗങ്ങൾ, ചില രോഗങ്ങൾക്കുള്ള മരുന്നുകൾ, കാലാവസ്ഥ, ഭക്ഷണത്തിലെ പോരായ്കകൾ, സ്ട്രെസ് എന്നിങ്ങനെ വിവിധ തരത്തിലുള്ള കാരണങ്ങൾ മുടി കൊഴിച്ചിലിലേക്ക് നയിക്കാം. ഇത്തരത്തിൽ ഭക്ഷണവുമായി ബന്ധപ്പെട്ട് മുടി കൊഴിച്ചിലിലേക്ക് നയിക്കുന്ന അഞ്ച് കാര്യങ്ങളെ കുറിച്ചാണിനി പങ്കുവയ്ക്കുന്നത്.
ആവശ്യത്തിന് പ്രോട്ടീൻ ഭക്ഷണത്തിലൂടെ ലഭിക്കുന്നില്ലെങ്കിൽ ഇത് മുടി കൊഴിച്ചിലിലേക്ക് നയിക്കാം. മുടിയുടെ ആരോഗ്യത്തിന് അവശ്യം വേണ്ടുന്ന കെരാറ്റിൻ എന്ന പ്രോട്ടീനുണ്ടാകണമെങ്കിൽ നമ്മൾ ഭക്ഷണത്തിലൂടെ പ്രോട്ടീൻ എടുക്കണം. മുടി ദുർബലമാകാനും മുടി പൊട്ടിപ്പോകാനും മുടി കൊഴിച്ചിലിനുമെല്ലാം പ്രോട്ടീൻ കുറവ് കാരണമാകാം.
അയേൺ കുറവിനാലും ധാരാളം പേരിൽ മുടി കൊഴിച്ചിലുണ്ടാകുന്നുണ്ട്. അയേണഅ കുറവായി അത് വിളർച്ചയിലേക്ക് നയിക്കുമ്പോഴാണ് മുടി കൊഴിച്ചിൽ കാര്യമായി സംഭവിക്കുന്നത്. അയേൺ കാര്യമായി അടങ്ങിയ ഭക്ഷണങ്ങള‍ാണ് ഇതിനായി കഴിക്കേണ്ടത്.
പലരും വണ്ണം കൂടാതിരിക്കുക എന്ന ലക്ഷ്യത്തിൽ കലോറി എടുക്കുന്നത് നല്ലതുപോലെ കുറയ്ക്കാറുണ്ട്. ഇങ്ങനെ കലോറി വളരെയധികം കുറയ്ക്കുന്നതും ചിലരിൽ മുടി കൊഴിച്ചിലിലേക്ക് നയിക്കാം.
നമ്മുടെ ആരോഗ്യത്തിന് അവശ്യം വേണ്ടുന്നൊരു ഘടകമാണ് വൈറ്റമിൻ എ. പ്രത്യേകിച്ച് കണ്ണിനും മുടിക്കുമെല്ലാം. എന്നാലിത് കൂടിയാലും പ്രശ്നമാണ്. ഭക്ഷണത്തിലൂടെ നമ്മളെടുക്കുന്ന വൈറ്റമിൻ എ കൂടുന്നത് മുടി കൊഴിച്ചിലിലേക്കും നയിക്കാം.
ഒമേഗ 3 ഫാറ്റി ആസിഡ് പോലുള്ള അവശ്യം വേണ്ടുന്ന ഫാറ്റി ആസിഡുകളുടെ കുറവും മുടി കൊഴിച്ചിലിലേക്ക് നയിക്കാം. മുടി വല്ലാതെ ഡ്രൈ ആവുക, മുടി പൊട്ടിപ്പോകൽ, മുടി കൊഴിച്ചിൽ എല്ലാം ഇത്തരത്തിൽ സംഭവിക്കാം.
#Know #what #dietary #problems #lead #hair #fall
