(truevisionnews.com) കുട്ടികൾക്കായാലും മുതിർന്നവർക്കായാലും ചിക്കൻ ഫ്രൈ ഇഷ്ടപ്പെടാത്തവർ വളരെ ചുരുക്കം. ഉണ്ടാക്കിയെടുക്കാനും വളരെ എളുപ്പം.
ചിക്കനിൽ പല പരീക്ഷങ്ങൾ നടത്തുന്നവരാണ് നമ്മൾ. ചിക്കൻ ഫ്രൈ ആക്കുന്നതിനും ഒരുപാട് മസാലക്കൂട്ടുകൾ ഉണ്ട്. എങ്കിലും ഈ ഒരു മസാലക്കൂട്ടിൽ ചിക്കൻ തയ്യാറാക്കി നോക്കു...
ചേരുവകൾ
ചിക്കൻ – 1 കിലോ (ചെരുതായി മുറിച്ചത്)
വെളിച്ചെണ്ണ – ആവശ്യത്തിന്
ഇഞ്ചി – ഒരു വലിയ കഷ്ണം
വെളുത്തുള്ളി – ഒരു കുടം
നാരങ്ങാ നീര് – 2 ടീസ്പൂൺ
ഉപ്പ് – ആവശ്യത്തിന്
ചുവന്നുള്ളി – 5 എണ്ണം
കുരുമുളക് – ഒരു നുള്ളു
പച്ചമുളക് – 2 എണ്ണം
മഞ്ഞൾപൊടി – ½ ടീസ്പൂൺ
കാശ്മീരി മുളക് – ഒരു പിടി
ഗരം മസാല – 1 ടീസ്പൂൺ
കോൺഫ്ലവർ – 2 ടേബിൾ സ്പൂൺ
കറിവേപ്പില – 4 തണ്ട്
സോയ സോസ് – 1 ടീസ്പൂൺ
ടൊമാറ്റോ സോസ് – 1 ടീസ്പൂൺ
തയാറാക്കുന്ന വിധം
കാശ്മീരി മുളക് വെള്ളത്തിൽ കുതിർത്തു വെച്ച് അരച്ചെടുക്കണം. ചിക്കൻ നന്നായി കഴുകി വെക്കുക. പിന്നീട് അതിലേക്ക് രണ്ടാമത്തെ ഇഞ്ചി, വെളുത്തുള്ളി, നാരങ്ങാ നീര്, ഉപ്പ്, ചുവന്നുള്ളി, കുരുമുളക്, പച്ചമുളക്, മഞ്ഞൾപൊടി, കാശ്മീരി മുളക്, ഗരം മസാല എന്നിവ നന്നായി പേസ്റ്റ് ആക്കിയതും മുളക് അരച്ചതും ചിക്കനിൽ ചേർത്ത് രണ്ടുമണിക്കൂർ വെക്കുക.
അതിനുശേഷം കോൺഫ്ലവർ, കറിവേപ്പില, സോയ സോസ്, ടൊമാറ്റോ സോസ് എന്നിവ ചേർത്ത് ഫ്രൈ ചെയ്യാം. വെളിച്ചെണ്ണയിൽ കുറച്ച് കറിവേപ്പിലയും ചേർത്ത് ചിക്കൻ ഫ്രൈ ചെയ്ത് വിളമ്പാം.
#How #preparing #great #chickenfry
.jpeg)
.jpg)
