മുംബൈ : (www.truevisionnews.com) ഏകദിന ലോകകപ്പിൽ ഇന്ത്യയുടെ ഔദ്യോഗിക ജേഴ്സി പുറത്തിറക്കി സ്പോൺസർമാരായ അഡിഡാസ്. മൂന്നാം ലോകകപ്പ് സ്വപ്നം കാണുന്ന ഇന്ത്യൻ ടീമിന് 3കാ ഡ്രീം എന്ന തീം സോംഗിന്റെ അകമ്പടിയോടെയാണ് പുതിയ ജേഴ്സി അഡിഡാസ് പുറത്തിറക്കിയിരിക്കുന്നത്.
എക്സിൽ പോസ്റ്റ് ചെയ്ത വിഡിയോയിലാണ് പുതിയ ജേഴ്സി ധരിച്ച് താരങ്ങൾ എത്തുന്നത്. ഇന്ത്യൻ ക്യാപ്റ്റൻ രോഹിത് ശർമ, വിരാട് കോലി, ഹാർദ്ദിക് പാണ്ഡ്യ, ശുഭ്മാൻ ഗിൽ, മുഹമ്മദ് സിറാജ്, കുൽദീപ് യാദവ് തുടങ്ങിയവരെല്ലാം പുതിയ ജേഴ്സിയുടെ തീ സോംഗിൽ പ്രത്യക്ഷപ്പെടുന്നു.
ഏഷ്യ കപ്പിൽ ഇന്ത്യൻ താരങ്ങൾ ധരിച്ച നില ജേഴ്സിയിൽ പ്രത്യക്ഷത്തിൽ കാര്യമായ മാറ്റങ്ങളില്ലാതെയാണ് അഡിഡാസ് ലോകകപ്പ് ജേഴ്സി പുറത്തിറക്കിയിരിക്കുന്നത്. തോളിലെ മൂന്ന് വെള്ള വരകളിൽ ദേശീയ പതാകയിലെ നിറങ്ങൾ കൂട്ടിച്ചേർത്താണ് പ്രധാന മാറ്റം.
നേരത്തെ ജഴ്സിയുടെ ചിത്രങ്ങൾ സമൂഹമാധ്യമങ്ങളിലൂടെ പുറത്തായപ്പോൾ നെഞ്ചിൽ ബിസിസിഐ ലോഗോക്ക് തൊട്ടുമുകളിലായി ഇന്ത്യ നേടിയ ലോകകപ്പുകളുടെ എണ്ണം സൂചിപ്പിക്കുന്ന മൂന്ന് നക്ഷത്രങ്ങൾക്ക് പകരം രണ്ട് നക്ഷത്രങ്ങൾ മാത്രമെയുള്ളുവെന്ന് ആരാധകർ ചൂണ്ടിക്കാട്ടുകയും വിമർശനം ഉന്നയിക്കുകയും ചെയ്തതിരുന്നു.
എന്നാൽ ഏകദിന ലോകകപ്പിൽ ഇന്ത്യ രണ്ട് കിരീടങ്ങൾ മാത്രമാണ് നേടിയിട്ടുള്ളത് എന്നതിനാലാണ് ഇതെന്നാണ് തീ സോംഗ് നൽകുന്ന സൂചന. 'തീൻ കാ ഡ്രീം അപ്ന' എന്നതാണ് തീം സോംഗിൽ പറയുന്നത്. ഒക്ടോബർ അഞ്ചിന് തുടങ്ങുന്ന ലോകകപ്പ് ക്രിക്കറ്റിൽ എട്ടിന് ചെന്നൈയിൽ ഓസ്ട്രേലിയക്കെതിരെ ആണ് ഇന്ത്യയുടെ ആദ്യ മത്സരം
#WorldCupJersey #Adidas #released #India's #WorldCup #jersey
