ധോണിയുടെ കാലിലെ പരിക്ക്; ഇന്നലെ ഐപിഎല്ലിൽ മത്സര ശേഷം കണ്ണീര്‍ രംഗങ്ങള്‍

ധോണിയുടെ കാലിലെ പരിക്ക്; ഇന്നലെ ഐപിഎല്ലിൽ മത്സര ശേഷം കണ്ണീര്‍ രംഗങ്ങള്‍
May 15, 2023 06:59 PM | By Vyshnavy Rajan

ചെന്നൈ : ഐപിഎല്‍ പതിനാറാം സീസണില്‍ ചെന്നൈ സൂപ്പര്‍ കിംഗ്‌സ്-കൊല്‍ക്കത്ത നൈറ്റ് റൈഡേഴ്‌സ് മത്സര ശേഷം മൈതാനത്ത് കണ്ണീര്‍ രംഗങ്ങള്‍. മത്സരം കഴിഞ്ഞ് ആരാധകര്‍ക്ക് നന്ദി പറഞ്ഞ് ധോണി മൈതാനത്തെ വലംവെച്ചപ്പോള്‍ അദേഹത്തിന്‍റെ കാലിലെ പരിക്ക് ആരാധകരെ വലിയ സങ്കടത്തിലാക്കി.

ഇടത് കാല്‍മുട്ടില്‍ ഐസ്‌പാക്ക് വച്ചാണ് ധോണി മൈതാനത്തെ വലയം ചെയ്‌തത്. ധോണിയുടെ കാല്‍മുട്ടിലെ പരിക്ക് സ്ഥിരീകരിക്കുന്നതായി ഈ കാഴ്‌ച. ആരാധകരെ ഏറെ സങ്കടത്തിലാക്കി ഈ രംഗങ്ങള്‍.

എം എസ് ധോണിയുടെ കാല്‍മുട്ടിന് പരിക്കുള്ളതായി ചെന്നൈ സൂപ്പര്‍ കിംഗ്‌സ് പരിശീലകന്‍ സ്റ്റീഫന്‍ ഫ്ലെമിംഗ് ഒരു മാസം മുമ്പ് വ്യക്തമാക്കിയിരുന്നു. ചെപ്പോക്കില്‍ രാജസ്ഥാന്‍ റോയല്‍സിനെതിരെ മൂന്ന് റണ്‍സിന് സിഎസ്‌കെ തോറ്റതിന് പിന്നാലെയായിരുന്നു കോച്ചിന്‍റെ വെളിപ്പെടുത്തല്‍.

ഇതിന് ശേഷം ചെന്നൈ സൂപ്പര്‍ കിംഗ്‌സ് കളിച്ച എല്ലാ മത്സരത്തിലും ധോണി ഇറങ്ങിയിരുന്നു. കാല്‍മുട്ടിലെ പരിക്ക് വകവെക്കാതെ എല്ലാ കളിയിലും വിക്കറ്റ് കീപ്പറുടെ ഗ്ലൗസ് അണിയുകയും ചെയ്‌തു.

പരിക്കിനിടയിലും ചെപ്പോക്കിലെ ഗ്യാലറിയെ വലംവെച്ച് ഹോം ആരാധകര്‍ക്ക് നന്ദി അറിയിക്കാന്‍ ധോണി സമയം കണ്ടെത്തിയതിനെ പ്രശംസിക്കുന്നു ആരാധകര്‍.

മൈതാനം ചുറ്റി ആരാധകര്‍ക്ക് പന്തും ജേഴ്‌സികളും ധോണി കൈമാറി. ചെപ്പോക്കിലെ ആരാധകര്‍ക്കൊപ്പം സെല്‍ഫിയെടുക്കുകയും ചെയ്‌തു ഇതിഹാസ താരം. സിഎസ്‌കെ സഹതാരങ്ങളും മാനേജ്‌മെന്‍റും സ്റ്റാഫുകളും ധോണിയെ അനുഗമിച്ചു.

പരിക്കിനോട് അടിയറവ് പറയാതെ ഇപ്പോഴും കളിക്കുന്ന ധോണിയുടെ ആത്മാര്‍ഥതയെ വാഴ്‌ത്തുകയാണ് സിഎസ്‌കെ ഫാന്‍സ്. 41 വയസ് പിന്നിട്ടൊരു താരം പൂര്‍ണ ഊര്‍ജത്തോടെ കളിക്കുകയാണ് എന്ന് ആരാധകര്‍ ഓര്‍മ്മിപ്പിക്കുന്നു.

ധോണിയും തല ആരാധകരും ആഹ്‌ളാദത്തിമിര്‍പ്പിലായിരുന്നെങ്കിലും കെകെആറിന് എതിരായ മത്സരത്തില്‍ ചെന്നൈ സൂപ്പര്‍ കിംഗ്‌സ് 6 വിക്കറ്റിന്‍റെ തോല്‍വി നേരിട്ടു.

ചെന്നൈ മുന്നോട്ടുവെച്ച 145 റണ്‍സ് വിജയലക്ഷ്യം കൊല്‍ക്കത്ത 18.3 ഓവറില്‍ 4 വിക്കറ്റ് നഷ്ടത്തില്‍ സ്വന്തമാക്കുകയായിരുന്നു. പവർപ്ലേയില്‍ മൂന്ന് വിക്കറ്റ് നേടി പേസര്‍ ദീപക് ചാഹര്‍ കെകെആറിനെ വിറപ്പിച്ചെങ്കിലും തിരിച്ചടിച്ച റിങ്കു സിംഗ്-നിതീഷ് റാണ സഖ്യത്തിനെ പിടിച്ചുകെട്ടാന്‍ ധോണിയുടെ തന്ത്രങ്ങള്‍ക്കായില്ല.

റിങ്കു 43 പന്തില്‍ 54 റണ്‍സെടുത്ത് പുറത്തായപ്പോള്‍ റാണ 44 ബോളില്‍ 57* റണ്‍സുമായി പുറത്താവാതെ നിന്നു. തോറ്റെങ്കിലും പോയിന്‍റ് പട്ടികയില്‍ രണ്ടാം സ്ഥാനത്ത് തുടരുന്ന സിഎസ്‌കെ പ്ലേ ഓഫ് സാധ്യത കൈവിട്ടിട്ടില്ല.

Dhoni's leg injury; Tearful scenes after the match in IPL yesterday

Next TV

Related Stories
#BCCI | ഇന്ത്യയുടെ മുഖ്യ പരിശീലകനാകാൻ ഗൗതം ഗംഭീറിനെ സമീപിച്ച്ബിസിസിഐ : റിപ്പോർട്ട്

May 17, 2024 10:27 PM

#BCCI | ഇന്ത്യയുടെ മുഖ്യ പരിശീലകനാകാൻ ഗൗതം ഗംഭീറിനെ സമീപിച്ച്ബിസിസിഐ : റിപ്പോർട്ട്

ധോണിക്ക് കീഴിൽ 2007ലെ ടി20 ലോകകപ്പ് നേടിയ ഇന്ത്യൻ ടീമിലും 2011ലെ ഏകദിന ലോകകപ്പ് നേടിയി ഇന്ത്യൻ ടീമിലും അംഗമായിരുന്ന ഗംഭീർ ഫൈനലിലെ ടോപ്...

Read More >>
#BCCI | പാകിസ്താനെതിരായ ലോകകപ്പ് മത്സരത്തില്‍ ഓറഞ്ച് ജേഴ്‌സി ധരിക്കാന്‍ ബിസിസിഐ ആവശ്യപ്പെട്ടു; റിപ്പോര്‍ട്ട്

May 17, 2024 08:59 PM

#BCCI | പാകിസ്താനെതിരായ ലോകകപ്പ് മത്സരത്തില്‍ ഓറഞ്ച് ജേഴ്‌സി ധരിക്കാന്‍ ബിസിസിഐ ആവശ്യപ്പെട്ടു; റിപ്പോര്‍ട്ട്

ഇതിനു പിന്നാലെ കേന്ദ്രസര്‍ക്കാര്‍ ഇന്ത്യന്‍ ടീമിനെയും ബിസിസിഐയേയും സ്വാധീനിക്കാന്‍ ശ്രമിക്കുന്നുവെന്ന തരത്തില്‍ വിമര്‍ശനവും...

Read More >>
#IPL2024 | ചെന്നൈക്കെതിരെ അവസാന മത്സരം ജയിച്ചാലും ആര്‍സിബി പ്ലേ ഓഫ് എത്തുമെന്നുറപ്പില്ല, സാധ്യതകള്‍ ഇങ്ങനെ

May 17, 2024 07:46 PM

#IPL2024 | ചെന്നൈക്കെതിരെ അവസാന മത്സരം ജയിച്ചാലും ആര്‍സിബി പ്ലേ ഓഫ് എത്തുമെന്നുറപ്പില്ല, സാധ്യതകള്‍ ഇങ്ങനെ

അവസാന മത്സരം ജയിച്ചിട്ടും ആര്‍സിബി പുറത്താവാനുള്ള മറ്റൊരു സാധ്യത കൂടിയുണ്ട്. ചെന്നൈയെ വീഴ്ത്തിയാല്‍ ആര്‍സിബിക്കും ചെന്നൈക്കും 14 പോയന്‍റ്...

Read More >>
#SunilChhetri | ഐതിഹാസിക കരിയറിന് അവസാനമാകുന്നു: വിരമിക്കല്‍ പ്രഖ്യാപിച്ച് സുനില്‍ ഛേത്രി

May 16, 2024 10:58 AM

#SunilChhetri | ഐതിഹാസിക കരിയറിന് അവസാനമാകുന്നു: വിരമിക്കല്‍ പ്രഖ്യാപിച്ച് സുനില്‍ ഛേത്രി

നിലവില്‍ സജീവമായ ഫുട്‌ബോളര്‍മാരില്‍ ഏറ്റവും കൂടുതല്‍ അന്താരാഷ്ട്ര ഗോളുകള്‍ നേടിയ മൂന്നാമത്തെ താരവും ഛേത്രി...

Read More >>
#JamesAnderson | ഇന്ത്യയുടെ എക്കാലത്തെയും വലിയ പേടിസ്വപ്നം; ഒടുവില്‍ വിരമിക്കാനൊരുങ്ങി ജെയിംസ് ആന്‍ഡേഴ്സണ്‍

May 11, 2024 03:17 PM

#JamesAnderson | ഇന്ത്യയുടെ എക്കാലത്തെയും വലിയ പേടിസ്വപ്നം; ഒടുവില്‍ വിരമിക്കാനൊരുങ്ങി ജെയിംസ് ആന്‍ഡേഴ്സണ്‍

87 ടെസ്റ്റില്‍ 700 വിക്കറ്റുള്ള ആന്‍ഡേഴ്സണ്‍ വെസ്റ്റ് ഇന്‍ഡീസിനും ശ്രീലങ്കക്കുമെതിരായ പരമ്പരകളില്‍ 708 വിക്കറ്റ് വീഴ്ത്തിയിട്ടുള്ള ഷെയ്ന്‍ വോണിനെ...

Read More >>
#ColinMunro | ലോകകപ്പ് ടീമിലെടുത്തില്ല; പിന്നാലെ കളിമതിയാക്കി ന്യൂസീലന്‍ഡ് താരം കോളിന്‍ മണ്‍റോ

May 10, 2024 03:33 PM

#ColinMunro | ലോകകപ്പ് ടീമിലെടുത്തില്ല; പിന്നാലെ കളിമതിയാക്കി ന്യൂസീലന്‍ഡ് താരം കോളിന്‍ മണ്‍റോ

വെസ്റ്റിന്‍ഡീസിനെതിരായ ടി20-യില്‍ 2018-ല്‍ 47 പന്തില്‍ സെഞ്ചുറിയടിച്ച് റെക്കോഡിട്ടിരുന്നു. 2016-ല്‍ ശ്രീലങ്കയ്‌ക്കെതിരേ 14 പന്തില്‍ നിന്ന് 50 തികച്ചും...

Read More >>
Top Stories