തിരുവനന്തപുരം: ഒന്നാംക്ലാസ് പ്രവേശനത്തിന് ആറുവയസ്സെന്ന കേന്ദ്രസർക്കാർ വ്യവസ്ഥ അടുത്ത അധ്യയനവർഷവും സംസ്ഥാനത്ത് നടപ്പാക്കില്ല. ഒന്നാംക്ലാസ് പ്രവേശനത്തിനുള്ള പ്രായം അഞ്ചുവയസ്സായി തുടരുമെന്ന് മന്ത്രി വി. ശിവൻകുട്ടി അറിയിച്ചു.
സ്കൂളുകളിൽ പ്രവേശന നടപടികൾ തുടങ്ങിയതിനാൽ ആശയക്കുഴപ്പം ഒഴിവാക്കാനാണ് ഈ വർഷവും ഇളവുതുടരാനുള്ള സർക്കാർ തീരുമാനം. ഒന്നാം ക്ലാസ് പ്രവേശന നടപടികൾ ഏപ്രിൽ 17-ന് ആരംഭിക്കും. ടി.സി. കൊടുത്തുള്ള പ്രവേശനം മേയ് രണ്ടിനുശേഷം നടത്തും.
ഒന്നുമുതൽ ഒമ്പതുവരെ ക്ലാസുകളിലെ ഫലപ്രഖ്യാപനം മേയ് രണ്ടിനാണ്. മേയ് 20-നുള്ളിൽ എസ്.എസ്.എൽ.സി., ഹയർ സെക്കൻഡറി പരീക്ഷാഫലപ്രഖ്യാപനം നടത്തും.
The central government rule of six years for first class admission from the next academic year