വടകര: കോഴിക്കോട് റവന്യൂ ജില്ലാ കലോത്സവത്തിൻ്റെ സ്റ്റേജ് ഇനങ്ങൾ ആരംഭിച്ച ആദ്യ ദിനം 253 പോയിൻ്റുകളുമായി കോഴിക്കോട് സിറ്റി ഉപജില്ല മുന്നിട്ടു നിൽക്കുന്നു.
236 പോയിൻ്റുകളുമായി കൊടുവള്ളി ഉപജില്ല രണ്ടാം സ്ഥാനത്തും 230 പോയിൻ്റുമായി കൊയിലാണ്ടി ഉപജില്ല മൂന്നാം സ്ഥാനത്തുമുണ്ട്. 220 പോയിൻ്റുകളുമായി മുക്കം ഉപജില്ലയും ബാലുശ്ശേരി ഉപജില്ലയും തൊട്ടുപിറകിലുണ്ട്.
സ്കൂളുകളിൽ 80 പോയിൻ്റുകളുമായി ചേവായൂർ ഉപജില്ലയിലെ സിൽവർ ഹിൽസ് ഹയർ സെക്കൻ്ററി സ്കൂളാണ് മുന്നിലുള്ളത്. 78 പോയിൻ്റുമായി തോടന്നൂർ ഉപജില്ലയിലെ മേമുണ്ട ഹയർ സെക്കൻ്ററി സ്കൂൾ രണ്ടാം സ്ഥാനത്തും 70 പോയിൻ്റോടെ കൊടുവള്ളി ഉപജില്ലയിലെ മടവൂർ ചക്കാലക്കൽ ഹൈസ്കൂൾ മൂന്നാം സ്ഥാനത്തുമുണ്ട്.
67 പോയിൻ്റ് നേടിയ പേരാമ്പ്ര ഉപജില്ലയിലെ പേരാമ്പ്ര ഹയർ സെക്കൻ്ററി സ്കൂളും 63 പോയിൻ്റുകളോടെ കൊയിലാണ്ടി ഉപജില്ലയിലെ തിരുവങ്ങൂർ ഹയർ സെക്കൻ്ററി സ്കൂളും 58 പോയിൻ്റുകളോടെ കുന്നുമ്മൽ ഉപജില്ലയിലെ വട്ടോളി നാഷണൽ ഹയർ സെക്കൻ്ററി സ്കൂളും തൊട്ട് പിന്നിലുണ്ട്.
പ്രതീക്ഷിച്ചതിലും വൈകിയാണ് പല മത്സരങ്ങളും ആരംഭിച്ചതെന്നതും മത്സര വേദികളിൽ മത്സരങ്ങൾക്കിടയിലെ സമയ നിഷ്ഠ പാലിക്കാൻ കഴിയാതിരുന്നതുമാണ് പല ഫലപ്രഖ്യാപനങ്ങളും വൈകാൻ കാരണമായത്.
City Upazila ahead; In the district school arts festival, Koduvalli is second and Koilandi is third
