കാസര്ഗോഡ് : ചെറുവത്തൂരില് ഷവര്മയില് നിന്ന് ഭക്ഷ്യവിഷബാധയേറ്റ് വിദ്യാര്ത്ഥിനി മരിച്ച സംഭവത്തില് കസ്റ്റഡിയിലുള്ള ഐഡിയല് കൂള്ബാര് മാനേജറുടെ അറസ്റ്റ് രേഖപ്പെടുത്തി.
പടന്ന സ്വദേശി ടി. അഹമ്മദാണ് അറസ്റ്റിലായത്. ഇതോടെ മൂന്നുപേരാണ് കേസില് അറസ്റ്റിലായത്. മുംബൈയിലേക്ക് കടക്കാന് ശ്രമിക്കുന്നതിനിടെയാണ് അഹമ്മദ് പൊലീസ് പിടിയിലായത്. അറസ്റ്റിലായ മറ്റ് രണ്ടുപേരെ റിമാന്ഡ് ചെയ്തു.
കൂള് ബാറിലെ മാനേജിങ് പാര്ട്ണറായ പടന്ന സ്വദേശിക്കായും പൊലീസ് തെരച്ചില് ഊര്ജിതമാക്കിയിട്ടുണ്ട്. ചന്തേര സി ഐ പി നാരായണന്റെ നേതൃത്വത്തിലുള്ള സംഘമാണ് അന്വേഷണം നടത്തുന്നത്.
ഞായറാഴ്ചയാണ് കാസര്ഗോഡ് ചെറുവത്തൂരിലെ നാരായണന്- പ്രസന്ന ദമ്ബതികളുടെ മകളും പ്ലസ് വണ് വിദ്യാര്ത്ഥിനിയുമായ ദേവനന്ദ മരിച്ചത്. കഴിഞ്ഞ വെള്ളിയാഴ്ച ചെറുവത്തൂര് ഐഡിയല് ഫുഡ് പോയിന്റില് നിന്ന് ഷവര്മ കഴിച്ചവര്ക്കാണ് ഭക്ഷ്യവിഷബാധയേറ്റത്.
ഗുരുതരാവസ്ഥയില് ആശുപത്രിയില് പ്രവേശിപ്പിച്ചിരുന്ന ദേവനന്ദ ചികിത്സയിലിരിക്കെയാണ് മരിച്ചത്. ഭക്ഷ്യവിഷബാധയേറ്റ പതിനഞ്ചോളം പേര് ചികിത്സയില് തുടരുകയാണ്.
Student dies of food poisoning; Coolbar manager arrested