കൊച്ചി: ( www.truevisionnews.com ) കൊച്ചിയില്‍ രാസലഹരി വേട്ട. 106 ഗ്രാം എംഡിഎംഎയുമായി രണ്ട് യുവാക്കള്‍ പിടിയിലായി. അടൂര്‍ സ്വദേശി അശ്വിന്‍ വിജയ്, കോട്ടയം സ്വദേശി അക്ബര്‍ ഖാന്‍ എന്നിവരെയാണ് ഡാന്‍സാഫ് സംഘം അറസ്റ്റ് ചെയ്തത്. പാലാരിവട്ടം സൗത്ത് ജനതാ റോഡിന് സമീപത്ത് രാസലഹരിക്കച്ചവടം നടക്കുന്നെന്ന് കൊച്ചി സിറ്റി പോലീസ് കമ്മിഷണര്‍ക്ക് രഹസ്യ വിവരം ലഭിച്ചതിന് പിന്നാലെയാണ് പോലീസും ഡാന്‍സാഫും പരിശോധന നടത്തിയത്. തോള്‍ബാഗിലും പോക്കറ്റിലുമായാണ് ഇവര്‍ രാസലഹരി സൂക്ഷിച്ചിരുന്നത്.
ബെംഗളൂരുവില്‍നിന്ന് ലഹരി കൊണ്ടുവന്ന് കലൂരിലും പാലാരിവട്ടത്തും മറ്റുമുള്ള യുവാക്കളുടെ ഹോസ്റ്റലുകള്‍ കേന്ദ്രീകരിച്ച് വില്‍പന നടത്തുകയായിരുന്നു ഇവരെന്ന് പോലീസ് അറിയിച്ചു.
Drug bust Kochi Two youths arrested with 106 grams MDMA
