കാസര്‍കോട്: (truevisionnews.com) സ്‌കൂട്ടി നിയന്ത്രണം വിട്ട് മറിഞ്ഞ് അപകടം, യുവാവിന് ദാരുണാന്ത്യം.വെസ്റ്റ് എളേരി പഞ്ചായത്തിലെ പെരുമ്പട്ട മുള്ളിക്കാട്ടെ കോടോത്ത് വളപ്പില്‍ കെ.വി. അമ്പാടിയുടേയുംപദ്മിനിയുടേയും മകന്‍ രഞ്ജിത്ത് (31) ആണ് മരിച്ചത്.
പള്ളിപ്പാറ പെരുമ്പട്ട റോഡിലെ കുണ്ട്യത്ത് തിങ്കളാഴ്ച രാത്രി എട്ടുമണിയോടെയാണ് അപകടം. ഇറക്കത്തില്‍ നിയന്ത്രണംവിട്ട സ്‌കൂട്ടി റോഡില്‍നിന്നും താഴേക്ക് പോയപ്പോള്‍ റബ്ബര്‍ മരത്തില്‍ ഇടിച്ച് തകര്‍ന്നിട്ടുണ്ട്. ചൊവ്വാഴ്ച രാവിലെ റബര്‍ തോട്ടത്തിലാണ് രഞ്ജിത്തിനെ മരിച്ച നിലയില്‍ കണ്ടെത്തിയത്. മൃതദേഹം പോസ്റ്റ്‌മോര്‍ട്ടത്തിനായി പരിയാരം ഗവ. മെഡിക്കല്‍ കോളജിലേക്ക് കൊണ്ടുപോയി.
Young man dies after losing control scooter and overturning
.jpeg)
.jpg)