.jpg)
വിഴിഞ്ഞം: (www.truevisionnews.com) മുന്‍വൈരാഗ്യത്തെ തുടര്‍ന്ന് സഹോദരങ്ങള്‍ ഉള്‍പ്പെട്ട നാലംഗസംഘം സുഹ്യത്തുക്കളായ മൂന്നു യുവാക്കളെ അടിച്ചും വെട്ടിയും പരിക്കേല്‍പ്പിച്ചു. സംഭവവുമായി ബന്ധപ്പെട്ട് പ്രതികളില്‍ രണ്ടുപേരെ വിഴിഞ്ഞം പോലീസ് അറസ്റ്റുചെയ്തു.
ഒളിവില്‍പ്പോയ രണ്ടുപേര്‍ക്കായി പോലീസ് തിരച്ചില്‍ ആരംഭിച്ചു. വെങ്ങാനൂര്‍ സ്വദേശി വിഷ്ണു, വിഴിഞ്ഞം ടൗണ്‍ഷിപ്പ് സ്വദേശി ആസിഫ്, സുഹൈബ് എന്നിവര്‍ക്കാണ് പരിക്കേറ്റത്.
ഇവരെ ആക്രമിച്ച സംഘത്തിലെ മടവൂര്‍പ്പാറ തിട്ടവേലി സ്വദേശി അഭിഷേക്(19), നെല്ലിവിള വവ്വാമൂല തേരിവിളയില്‍ ജിഷോര്‍(22) എന്നിവരെയാണ് അറസ്റ്റുചെയ്ത്. ഇവര്‍ക്ക് ഒപ്പമുണ്ടായിരുന്ന കിഷോര്‍, സാജന്‍ എന്നിവരാണ് ഒളിവില്‍ പോയത്.
ബുധനാഴ്ച രാത്രി 11.50-ഓടെ വവ്വാമൂല കായലിന് സമീപത്തായിരുന്നു സംഭവമെന്ന് വിഴിഞ്ഞം പോലീസ് പറഞ്ഞു. പ്രതികളില്‍ കിഷോറായിരുന്നു വെട്ടുകത്തി കൊണ്ട് വിഷ്ണുവിന്റെ കാല്‍ക്കുഴയില്‍ വെട്ടിയത്.
അഭിഷേക് ആസിഫിനെ കമ്പികൊണ്ടും അടിച്ചുമാണ് പരിക്കേല്‍പ്പിച്ചത്. എസ്.എച്ച്.ഒ. ആര്‍. പ്രകാശിന്റെ നേത്യത്വത്തില്‍ എസ്.ഐ. ദിനേശ്, സി.പി.ഒമാരായ രാമു പി.വി, അരുണ്‍ പി. മണി, സജി, ഹോംഗാര്‍ഡ് സുനില്‍ എന്നിവരാണ് ഇവരെ അറസ്റ്റുചെയ്തത്. കോടതിയില്‍ ഹാജരാക്കിയ പ്രതികളെ റിമാന്‍ഡു ചെയ്തു.
#Gang #four #injured #friends #cutting #beating #wire #Two #people #arrested
.jpeg)
