തിരുവന്തപുരം : (truevisionnews.com) സംസ്ഥാന സ്കൂൾ കലോത്സവത്തിൻ്റെ ആരവം കശ്മീരിലും. കോഴിക്കോട് മർക്സിൽ നിന്നുള്ള കശ്മീർ വിദ്യാർത്ഥികളുടെ സാന്നിധ്യമാണ് ശ്രദ്ധേയമാകുന്നത്.
കാരന്തൂർ മർകസിലെ 7 വിദ്യാർത്ഥികളാണ് മികച്ച പ്രകടനത്തിലൂടെ എ ഗ്രേഡ് നേടിയത്.
ഉമ്മർ ഷോയിബ് ( ഉറുദു ഉപന്യാസ രചന എച്ച് എസ്) മുഹമ്മദ് ജാനിദ് ( ഉറുദു പദ്യം എച്ച് എസ്) സർഫ്രാസ് അഹമ്മദ് (ഉറുദു പ്രസംഗം എച്ച് എസ്) മുഹമ്മദ് ഇഷ്ഫാഖ് ( ഉറുദു കഥാ രചന എച്ച് എസ്) മുഹമ്മദ് റിഹാൻ (ഉറുദു പ്രസംഗം എച്ച് എസ് എസ് ) ഫായിസാൻ റസ ( ഉറുദു കഥാ രചന എച്ച് എസ് എസ്) ബിലാൽ അഹമ്മദ് ( ഉറുദു പദ്യം എച്ച് എസ് എസ് ) എന്നിവരാണ് എ ഗ്രേഡ് നേടിയത്.
ജമ്മു കാശ്മീരിലെ പൂഞ്ച് ജില്ലയിൽ നിന്നുള്ള വിദ്യാർത്ഥികളാണ് ഇവർ. കേരളത്തിൽ പഠിക്കാൻ സാധിച്ചതിലും കലോത്സവത്തിൽ പങ്കെടുക്കാൻ സാധിച്ചതിലും ഏറെ സന്തോഷമുണ്ടെന്ന് കലോത്സവ വിജയിയായ ഉമ്മർ ഷോയിബ് ട്രൂ വിഷൻ ന്യൂസിനോട് പറഞ്ഞു .
കേരളത്തിൽ പോലെ സംസ്ഥാനതലത്തിൽ മത്സരിക്കാനുള്ള സാഹചര്യം കാശ്മീരിൽ ഇല്ല . കാരന്തൂർ മാർക്കസിന്റെ കാശ്മീർ ഭവനിലാണ് വിദ്യാർത്ഥികൾ താമസിക്കുന്നത് .
മർക്സ് ഹയർ സെക്കൻഡറിയിൽ ഇംഗ്ലീഷ് മീഡിയത്തിലാണ് ഇവരുടെ പഠനം . ഉറുദു അധ്യാപകനും നാദാപുരം കുറുവന്തേരി സ്വദേശിയുമായ അഹമ്മദാണ് വിദ്യാർഥികൾക്ക് പരിശീലനം നൽകുന്നത് .
മുൻവർഷങ്ങളിലും മികച്ച പ്രകടനമാണ് കശ്മീർ വിദ്യാർഥികൾ കാഴ്ചവെച്ചത് . കലോത്സവത്തിലെ കോഴിക്കോടൻ മുന്നേറ്റത്തിന് ഇവർ നൽകുന്ന സംഭാവനകൾ വളരെ നിർണായകമാണ് .
Article by RIJIN MK KALLACHI
MCJ ( MASTER OF COMMUNICATION & JOURNALISM) Associate editor In truevision Digital Media 15 year experience in various media institutions Former editorial assistant in THe Youth monthly magazine Former sub editor IN THEJAS DAILY Former REPORTER IN Janayugam DAILY Former sub editor IN KERALA KAUMUDI DAILY Former REPORTER IN Kerala Bhooshanam DAILY Former REPORTER IN Doordarshan news malayalam FORMER sub editor IN Information Public Relations Department (IPRD)
#Kashmir #Spring #Ananthapuri #Arts #Festival #Seven #got #A #grade
.jpg)
