---
title: "#keralaschoolkalolsavam2025 | സ്കൂൾ കലോത്സവം; കേരളത്തിന് മാത്രം അവകാശപ്പെടാവുന്ന മേള - മന്ത്രി ജി അനിൽകുമാർ"
english_title: "#School #Art #Festival #fair #only #Kerala #can #claim #Minister #GAnilkumar"
publisher: "truevisionnews.com"
canonical_url: "https://truevisionnews.com/news/262006/school-art-festival-fair-only-kerala-can-claim-minister-ganilkumar"
published_at: "2025-01-08T17:36:00+05:30"
category: "Kerala School Kalolsavam 2025"
language: "ml"
image: "https://cf.zdn.im/img/truevisionnews.com/0/image-uploads/677e6a6dcce6e_anil.jpg"
keywords: []
---

# #keralaschoolkalolsavam2025 | സ്കൂൾ കലോത്സവം; കേരളത്തിന് മാത്രം അവകാശപ്പെടാവുന്ന മേള - മന്ത്രി ജി അനിൽകുമാർ

> **Lead Summary:** **തിരുവനന്തപുരം: ** പ്രതിഭകളുടെ മാറ്റുകൊണ്ടും സംഘാടന മികവ് കൊണ്ടും കേരളത്തിന് മാത്രം അവകാശപ്പെടാവുന്ന മേള യാണ് സംസ്ഥാന സ്കൂൾ കലോത്സവമെന്ന് മന്ത്രി ജി അനിൽകുമാർ അധ്യക്ഷ പ്രസംഗത്തിൽ പറഞ്ഞു.

## Article Content

**തിരുവനന്തപുരം: ** പ്രതിഭകളുടെ മാറ്റുകൊണ്ടും സംഘാടന മികവ് കൊണ്ടും കേരളത്തിന് മാത്രം അവകാശപ്പെടാവുന്ന മേള യാണ് സംസ്ഥാന സ്കൂൾ കലോത്സവമെന്ന് മന്ത്രി ജി അനിൽകുമാർ അധ്യക്ഷ പ്രസംഗത്തിൽ പറഞ്ഞു.

അതേസമയം , 63ാമത് സംസ്ഥാന സ്‌കൂൾ കലോത്സവത്തിൽ കപ്പ് തൃശൂരിന്. ആകെ 1008 പോയിന്റുകളാണ് ജില്ല നേടിയത്. ഇഞ്ചോടിഞ്ച് പോരാടിയ പാലക്കാട് 1007 പോയിന്റുകളുമായി രണ്ടാം സ്ഥാനം കരസ്തമാക്കി.

1003 പോയിന്റുമായി കഴിഞ്ഞ തവണത്തെ ചാമ്പ്യന്മാരായ കണ്ണൂർ മൂന്നാം സ്ഥാനത്തേക്ക് തള്ളപ്പെട്ടു.

26 വർഷങ്ങൾക്ക് ശേഷമാണ് ജില്ല കലാകിരീടം ചൂടുന്നത്. 1999ലാണ് ജില്ല അവസാനമായി കപ്പുയർത്തിയത്. ഇത് ജില്ലയുടെ അഞ്ചാമത്തെ കിരീടമാണ്. 1996ലും 1994ലും 1970ലുമാണ് ജില്ല മുമ്പ് വിജയിച്ചിരുന്നത്.

ബി.എസ്.എസ് ഗുരുകുലം പാലക്കാടാണ് ഏറ്റവുമധികം പോയിൻ് നേടിയ സ്‌കൂൾ. 171 പോയിന്റുകളാണ് സ്‌കൂൾ കരസ്തമാക്കിയത്. 116 പോയിന്റുകളുമായി തിരുവനന്തപുരം കാർമെൽ ഹയർ സെക്കന്ററി സ്‌കൂൾ വഴുതക്കാടാണ് രണ്ടാം സ്ഥാനത്ത്.

106 പോയിന്റുകളുമായി എം.ജി.എം.എച്.എസ്.എസ് മാനന്തവാടി, വയനാട് മൂന്നാം സ്ഥാനവും കരസ്തമാക്കി.

### Related Links & Sources
- [Original Story Source](https://truevisionnews.com/news/262006/school-art-festival-fair-only-kerala-can-claim-minister-ganilkumar)