ചണ്ഡിഗഡ്: ( www.truevisionnews.com ) പഞ്ചാബിലെ ബുതിൻഡയിൽ ബസ് അപകടത്തിൽ എട്ടുപേർ മരിച്ചു. ഒട്ടേറെ പേർക്ക് പരുക്ക്.
കനത്ത മഴയിൽ നിയന്ത്രണം വിട്ട ബസ് പാലത്തിലിടിച്ച് മറിഞ്ഞാണ് അപകടമെന്നാണ് പ്രാഥമിക വിവരം.
ഇടിയുടെ ആഘാതത്തിൽ പാലത്തിന്റെ കൈവരികള്‍ തകർന്നു. അഞ്ചുപേർ സംഭവസ്ഥലത്തും 3 പേർ ആശുപത്രിയിലുമാണു മരിച്ചത്.
എൻഡിആർഎഫിന്റെയും പൊലീസിന്റെയും നാട്ടുകാരുടെയും സഹായത്തോടെ സംഭവസ്ഥലത്ത് രക്ഷാപ്രവർത്തനം പുരോഗമിക്കുന്നു.
തുൽവണ്ടി സാബോയിൽനിന്ന് ബുതിൻഡയിലേക്ക് പോവുകയായിരുന്ന സ്വകാര്യ ബസാണ് അപകടത്തിൽപെട്ടത്. ബസ്സിൽ ഇരുപതിലധികം പേരുണ്ടായിരുന്നതായാണ് വിവരം.
#outofcontrol #bus #hit #bridge #overturned #Eight #dead #many #injured
