കോഴിക്കോട് : ( www.truevisionnews.com ) പേരാമ്പ്ര ഗ്രാമപഞ്ചായത്ത് ഓഫീസ് ബോംബ് വെച്ച് തകർക്കുമെന്ന് അജ്ഞാത സന്ദേശം. പോസ്റ്റുകാർഡിലൂടെയാണ് പഞ്ചായത്ത് ഓഫീസിലേക്ക് സന്ദേശമെത്തിയത്.
പേരാമ്പ്ര ബസ് സ്റ്റാൻ്‌റുമായി ബന്ധപ്പെട്ട പ്രശ്‌നങ്ങൾക്ക് ഉടൻ പരിഹാരം കാണണമെന്നും ഇല്ലെങ്കിൽ രണ്ടാഴ്‌ചയ്ക്കുള്ളിൽ ഗ്രാമപഞ്ചായത്ത് ഓഫീസ് ബോംബിട്ട് തകർക്കുമെന്നായിരുന്നു ഭീഷണി.
സന്ദേശത്തെ തുടർന്ന് പേരാമ്പ്ര പൊലീസ് ഗ്രാമപഞ്ചായത്തിൽ പരിശോധന നടത്തി. പേരാമ്പ്ര സി.ഐ ജംഷീദിൻ്റെ നിർദേശപ്രകാരം എസ്.ഐ.ഷമീറിന്റെ നേതൃത്വത്തിലായിരുന്നു പരിശോധന.
ഡോഗ് സ്ക്വാഡും ബോംബ് സ്ക്വാഡും പഞ്ചായത്തിൽ പരിശോധന നടത്തിയതിനെ തുടർന്ന് വ്യാജഭീഷണിയാണെന്ന് വ്യക്തമാക്കി. സന്ദേശത്തിന്റെ ഉറവിടം സംബന്ധിച്ച അന്വേഷണം പുരോഗമിക്കുന്നു.
#Perampra #grampanchayat #office #threatened #bombed #within #two #weeks #Received #anonymous #message #post #card
