മംഗളൂരു: കർണാടകയിൽ ക്ഷേത്രത്തിൽ വൻ കവർച്ച. മംഗളൂരു ബണ്ട്വാളിലുള്ള ക്ഷേത്രത്തിലാണ് കവർച്ച നടന്നത്.
സ്വർണ്ണം, വെള്ളി ആഭരണങ്ങളും കാണിക്കവഞ്ചിയിലെ പണവും അടക്കം 2.3 ലക്ഷം രൂപയുടെ വസ്തുവകകൾ മോഷണം പോയി. നവംബര്‍ മൂന്നിന് രാത്രിയായിരുന്നു സംഭവം.
മൂന്ന് മോഷ്ടാക്കള്‍ പൂട്ടുപൊളിച്ച് അകത്തുകേറിയാണ് മോഷണം നടത്തിയത്. ഒന്നരലക്ഷം രൂപ വിലവരുന്ന സ്വർണ്ണാഭരണങ്ങൾ, 80,000 രൂപയുടെ വെള്ളി ആഭരണങ്ങൾ, കാണിക്കവഞ്ചിയിലെ 5000 രൂപ എന്നിവയാണ് മോഷ്ടാക്കൾ അപഹരിച്ചത്.
മോഷണത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്. സംഭവത്തില്‍ ബണ്ട്വാൾ റൂറൽ പോലീസ് കേസെടുത്ത് അന്വേഷണം ആരംഭിച്ചു.
#robbery #temple #broke#lock #stole #jewelry #money
