കൊല്ലം: (truevisionnews.com) പരവൂർ പൂതക്കുളത്ത് റോഡിലേക്ക് ഒടിഞ്ഞുവീണ മരത്തിൽ സ്‌കൂട്ടറിടിച്ച് യുവാവിന് ദാരുണാന്ത്യം.
കരടിമുക്ക് പാലോട്ടുകാവ് വയൽക്കരപുത്തൻവീട്ടിൽ സുരേന്ദ്രൻപിളളയുടെ മകൻ സോനു (27) ആണ് മരിച്ചത്. വെള്ളിയാഴ്ച രാത്രി പത്തരയോടെയായിരുന്നു അപകടം.
പരവൂർ-പാരിപ്പള്ളി റോഡിൽ അമ്മാരത്തുമുക്കിൽവെച്ച് റോഡിലേക്ക് വീണ മരത്തിൽ സ്കൂട്ടർ ഇടിക്കുകയായിരുന്നു.
സോനുവിന് ഒപ്പമുണ്ടായിരുന്ന കരടിമുക്ക് മാവിള പുത്തൻവീട്ടിൽ സുജിത്തിനും (27) കൂനയിൽ ചരുവിളവീട്ടിൽ രാജേഷിനും (22) പരിക്കേറ്റു. സുജിത്ത് തിരുവനന്തപുരം മെഡിക്കൽകോളേജിൽ ചികിത്സയിലാണ്.
#Accident #due #scooter #hitting #tree #fell #road #tragicend #youngman
