കാക്കനാട് : (truevisionnews.com ) മദ്യ ലഹരിയിൽ ഫ്ലാറ്റിന്റെ ഏഴാം നിലയിൽ കയറിയ യുവാവ് താഴേക്കു ചാടുമെന്ന് ഭീഷണി മുഴക്കി അഗ്നിരക്ഷാ സേനയെയും നാട്ടുകാരെയും 6 മണിക്കൂർ മുൾമുനയിൽ നിർത്തി.
കുന്നുംപുറം ജയരാജ് ഫ്ലാറ്റിൽ വെള്ളിയാഴ്ച രാത്രി തുടങ്ങിയ നാടകീയ രംഗങ്ങൾ അവസാനിച്ചത് ഇന്നലെ പുലർച്ചെ .
ഛത്തീസ്ഗഡ് ബെൻകർ സ്വദേശി ഉപേന്ദ്രനാണ് (31) പ്രശ്നം സൃഷ്ടിച്ചത്. രാത്രി 8ന് ഫ്ലാറ്റിനുള്ളിൽ കണ്ട അപരിചിതനായ ഉപേന്ദ്രനോട് പുറത്തു പോകാൻ സുരക്ഷാ ജീവനക്കാരൻ ആവശ്യപ്പെട്ടപ്പോൾ ഏഴാം നിലയുടെ മുകളിലെ ഓപ്പൺ ടെറസിലേക്ക് ഓടിക്കയറുകയായിരുന്നു.
ഫ്ലാറ്റിലുള്ളവരുടെ ശ്രമം പരാജയപ്പെട്ടപ്പോൾ അഗ്നിരക്ഷാ സേനയെ വിവരമറിയിച്ചു. മണിക്കൂറുകളോളം പല തന്ത്രങ്ങൾ പയറ്റിയിട്ടും ഉപേന്ദ്രൻ താഴെയിറങ്ങാൻ കൂട്ടാക്കിയില്ല.
ക്ഷീണിതനായതോടെ അഗ്നിരക്ഷാ സേനയുടെ അനുനയങ്ങൾക്കു മുൻപിൽ ഉപേന്ദ്രൻ വഴങ്ങുകയായിരുന്നു.യുവാവിനെ പിന്നീട് പൊലീസിനു കൈമാറി.
#Climbed #top #flat #threatened #commit #suicide
