ചെന്നൈ: ( www.truevisionnews.com ) വീട്ടമ്മയെ കൂട്ടബലാത്സംഗം ചെയ്ത രണ്ടുപേർ പിടിയിൽ . വീട്ടിലെത്തിക്കാമെന്നുപറഞ്ഞ് ബൈക്കില് കയറ്റിയശേഷം വീട്ടമ്മയെ കൂട്ടബലാത്സംഗംചെയ്ത കേസിലാണ് രണ്ടു യുവാക്കളെ പോലീസ് അറസ്റ്റുചെയ്തത്.
പ്രതികളായ എ. പ്രവീണ്കുമാര് (34), ആര്. രാജ്കുമാര് എന്നിവരെയാണ് അറസ്റ്റുചെയ്തത്. പോലീസുമായുള്ള ഏറ്റുമുട്ടലിനിടെ രണ്ടു പ്രതികളുടെയും കൈകാലുകള് ഒടിഞ്ഞു.
തഞ്ചാവൂരിനടുത്ത് ബുദലൂര് ഗ്രാമത്തില്നിന്നുള്ള 42-കാരിയാണ് പീഡനത്തിന് ഇരയായത്. നിര്മാണത്തൊഴിലാളിയായ ഇവര് തഞ്ചാവൂരിലെ ജോലിസ്ഥലത്തുനിന്ന് ബുദലൂര് ജങ്ഷനില് രാത്രിയില് ബസ്സിറങ്ങിയതായിരുന്നു.
അപ്പോഴേക്കും ഗ്രാമത്തിലേക്കുള്ള അവസാന ബസ് പോയിരുന്നു. സ്റ്റോപ്പില് രണ്ടു ബൈക്കുകളിലായെത്തിയ ചെറുപ്പക്കാര് വീട്ടിലെത്തിക്കാമെന്നു പറഞ്ഞു. ഒരാളുടെ ബൈക്കിനുപിന്നില് അവര് കയറി. വഴിയില് ഒരു വയലിനടുത്തെത്തിയപ്പോള് യുവാക്കള് വീട്ടമ്മയെ ബലാത്സംഗം ചെയ്യുകയായിരുന്നു.
#woman #gangraped #tamilnadu #two #accused #arrested