വയനാട് : (truevisionnews.com) ദുരന്ത ഭൂമിയായി മാറിയ വയനാട് സന്ദർശിച്ച് എംഎൽഎ ചാണ്ടി ഉമ്മൻ. ഒപ്പം പ്രതിപക്ഷ നേതാവ് വിടി സതീശനും രാഹുൽ മാങ്കൂട്ടവും.
ഇന്ന് രാവിലെ പതിനൊന്ന് മണിയോടെയാണ് പുതുപ്പള്ളി എംഎൽഎ ചാണ്ടി ഉമ്മനും, പ്രതിപക്ഷ നേതാവ് വി ഡി സതീശനും, രാഹുൽ മാങ്കൂട്ടവും ദുരന്ത മുഖത്ത് എത്തിയത്.
ഉരുൾപൊട്ടൽ ഉണ്ടായ മുണ്ടക്കൈ , ചൂരൽമല പ്രദേശവും, സൂചിപ്പാറ മേഖലയും സന്ദർശിച്ചു. തുടർന്ന് ദുരിതാശ്വാസ ക്യാമ്പുകളിലും സന്ദർശനം നടത്തും.
അതേസമയം സൂചിപ്പാറ-കാന്തന്‍പാറ ഭാഗത്ത് നിന്ന് ഇന്ന് നാല് മൃതദേഹം കണ്ടെത്തി.
മൂന്ന് മൃതദേഹങ്ങളും ഒരു ശരീര ഭാഗവുമാണ് കണ്ടെത്തിയത് എന്നാണ് രക്ഷാപ്രവര്‍ത്തകര്‍ നല്‍കുന്ന വിവരം. ഉരുള്‍പൊട്ടല്‍ ദുരന്തമുണ്ടായി 11 ദിവസത്തിന് ശേഷമാണ് മൃതദേഹം കണ്ടെത്തുന്നത്.
സന്നദ്ധ പ്രവര്‍ത്തകരും രക്ഷാദൗത്യ സംഘവും ചേര്‍ന്ന് നടത്തിയ തെരച്ചിലിലാണ് മൃതദേഹങ്ങള്‍ കണ്ടെത്തിയത്.
മൃതദേഹങ്ങള്‍ എയര്‍ലിഫ് ചെയ്ത് സുല്‍ത്താല്‍ ബത്തേരിയിലേക്ക് കൊണ്ടുവരും എന്നാണ് വിവരം. തുടര്‍ന്ന് തിരിച്ചറിയാനുള്ള ശ്രമങ്ങള്‍ നടത്തും.
#Puthupally #MLA #face #tragedy #ChandiOommen #visited #Wayanadlandslide #area
.jpeg)
.jpeg)
.png)
.jpeg)
.jpeg)
