പട്ന : ആൺകുട്ടികൾക്ക് സാനിറ്ററി നാപ്കിനുകൾ വാങ്ങാൻ ഫണ്ട് അനുവദിച്ചുവെന്ന് കണ്ടെത്തിയ സ്കൂളിനെതിരെ അന്വേഷണത്തിന് വിദ്യാഭ്യാസ വകുപ്പ്. ബിഹാറിലാണ് വേറിട്ട സംഭവം. ഹൽകോരി ഷാ ഹൈസ്കൂളിലാണ് ഫണ്ട് ചെലവഴിച്ചത്.
പെണ്കുട്ടികള്ക്കായുള്ള ‘പോഷക് യോജന’ പദ്ധതിയുടെ ഫണ്ട് ആണ്കുട്ടികളുടെ പേരിലും ചെലവഴിച്ചെന്നാണ് ഉയർന്ന ആരോപണം. പെണ്കുട്ടികള്ക്ക് വസ്ത്രങ്ങളും സാനിറ്ററി നാപ്കിനും നല്കുന്നതിന് വേണ്ടി ആരംഭിച്ച പദ്ധതിയിൽ നിന്നും ഇതേ ആവശ്യത്തിനായി ആൺകുട്ടികൾക്കും പണം അനുവദിച്ചതായി കണക്കുകൾ വ്യക്തമാക്കുന്നു.
ഇതോടെയാണ് പുതിയ പ്രധാനാധ്യപകൻ ഈ പൊരുത്തക്കേട് ജില്ലാ മജിസ്ട്രേറ്റിന്റെ ശ്രദ്ധയിൽപ്പെടുത്തിയത്. പിന്നാലെ സംഭവത്തെ കുറിച്ച് അന്വേഷിക്കാനും ഒരാഴ്ചക്കുള്ളിൽ റിപ്പോർട്ട് നൽകാനും നിർദേശിക്കുകയായിരുന്നു. അന്വേഷണത്തിനായി ജില്ലാ വിദ്യാഭ്യാസ ഓഫിസർ രണ്ടംഗ സമിതിയെ നിയോഗിച്ചു.
Fund allowed to purchase sanitary napkins for boys; Inquiry against the school