തിരുവനന്തപുരം: (truevisionnews.com) പ്രേംനസീർ സുഹൃദ് സമിതി ഏർപ്പെടുത്തിയ 2023 ലെ പ്രേം നസീർ പുരസ്കാരം റിപ്പോർട്ടർ ടി.വി സീനിയർ ന്യൂസ് എഡിറ്റർ ആർ റോഷിപാലിന് ലഭിച്ചു.
അന്വേഷണാത്മക മാധ്യമ പ്രവർത്തനത്തിനാണ് അവാർഡ്.
ആഗസ്റ്റ് അവസാന വാരം നടക്കുന്ന ചടങ്ങിൽ നിയമസഭാ സ്പീക്കർ എ.എൻ ഷംസീർ പുരസ്കാരം സമ്മാനിക്കും. സീനിയർ ജേർണലിസ്റ്റ് യൂണിയൻ സംസ്ഥാന പ്രസിഡന്റ് എസ്.ആർ ശക്തിധരൻ ചെയർമാനായ ജൂറിയാണ് അവാർഡ് നിർണ്ണയിച്ചത്.
നേരത്തെ കേരള സംസ്ഥാന യുവജന ക്ഷേമ ബോര്ഡ് ഏർപ്പെടുത്തിയ സ്വാമി വിവേകാനന്ദന് യുവ പ്രതിഭാ പുരസ്കാരം, പ്രഥമ കോടിയേരി ബാലകൃഷ്ണൻ മാധ്യമ പുരസ്കാരം,
ലയൺസ് ക്ലബ് മീഡിയ അവാർഡ്, സർഗ്ഗാലയ അവാർഡ് തുടങ്ങിയ നിരവധി അംഗീകാരങ്ങൾ റോഷിപാലിന് ലഭിച്ചിട്ടുണ്ട്.
ഭാര്യ: ശ്രീന രോഷിപാല്, മകള്: ദക്ഷ രോഷിപാല് (വിദ്യാര്ത്ഥിനി, പട്ടം സെന്റ് മേരീസ് ഹൈസ്കൂള്, തിരുവനന്തപുരം).
#PremNazirAward #RRoshipal #award #investigativejournalism