കോഴിക്കോട് : ( www.truevisionnews.com ) ബാലുശ്ശേരി-കോഴിക്കോട് റൂട്ടില്‍ കാക്കൂര്‍ പോലീസ് സ്റ്റേഷന് സമീപം സ്വകാര്യ ബസ് വീട്ടുവളപ്പിലെ മതിലിലേക്ക് ഇടിച്ചുകയറി അപകടം. കുറുമ്പൊയില്‍-ബാലുശ്ശേരി-കോഴിക്കോട് റൂട്ടിലോടുന്ന ബസാണ് നിയന്ത്രണം വിട്ട് അപകടത്തില്‍പ്പെട്ടത്.
ബുധനാഴ്ച രാവിലെ 10 മണിയോടെയാണ് അപകടം. അപകടത്തില്‍ സ്ത്രീയടക്കം ഏതാനുംപേര്‍ക്ക് പരിക്കേറ്റു. ഇവരെ കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി.
കാക്കൂകുഴിയില്‍ അയിമന്‍സില്‍ അബൂബക്കൂറിന്റെ വീടിന്റെ മതിലിലേക്കാണ് ബസ് ഇടിച്ചത്. ഇടിയുടെ ആഘാതത്തില്‍ തെങ്ങ്, മാവ് എന്നിവ മുറിഞ്ഞ് വീണു. ഇവ തൊട്ടടുത്ത കടയുടെ മുകളിലേക്കാണ് പതിച്ചത്.
#bus #accident #kakkoor
