കോഴിക്കോട്: (truevisionnews.com) മലബാറിലെ പ്ലസ് വൺ സീറ്റ് പ്രതിസന്ധി പരിഹരിക്കാൻ ഫ്രറ്റേണിറ്റിയുടെ നേതൃത്വത്തിൽ കലക്ട്രേറ്റിലേക്ക് പ്രതിഷേധ മാർച്ചും കുത്തിയിരിപ്പ് സമരവും സംഘടിപ്പിച്ചു.
കോഴിക്കോട് കടപ്പുറത്ത് നിന്ന് ആരംഭിച്ച മാർച്ച് കലക്ട്രേറ്റിന്റെ മുന്നിൽ പൊലീസ് ബാരിക്കേടുകൾ ഉപയോഗിച്ച് തടഞ്ഞു. ഫ്രറ്റേണിറ്റി സംസ്ഥാന ജനറൽ സെക്രട്ടറി തഷ്രീഫ് കെ പി, കോഴിക്കോട് ജില്ല പ്രസിഡന്റ്‌ മുനീബ് എലമങ്കൽ, ജില്ല വൈസ് പ്രസിഡന്റ്‌ തബ്ഷീറ സുഹൈൽ, മുസ്തഫ പാലാഴി, ലബീബ് കായക്കൊടി, ആയിഷ മന്ന എന്നിവർ മാർച്ചിന് നേതൃത്വം നൽകി.
കോഴിക്കോടിൽ മാത്രം ആറായിരത്തോളം വരുന്ന വിദ്യാർത്ഥികൾക്ക് ഉന്നത പഠനം സ്വപ്നം കാണാൻ പോലും കഴിയുന്നില്ല. മലബാറിലെ കണക്കെടുത്താൽ വിദ്യാർത്ഥികളുടെ എണ്ണം ഇരട്ടിയാകും.
അറുപതും എഴുപതും കുട്ടികളെ ഒരു ക്ലാസ്സിൽ കുത്തി നറച്ച് പരിഹാരം കാണുകയാണ് ലക്ഷ്യമെങ്കിൽ പ്രതിഷേധത്തിൽ നിന്ന് പിന്മാറുമെന്ന് ആരും കരുതേണ്ട എന്നും നേതാക്കൾ.
മാറിമാറി വരുന്ന സർക്കാരുകൾക്ക് മലബാറിലെ അടിസ്ഥാന സീറ്റ് പ്രശ്നം പോലും പരിഹരിക്കാൻ കഴിഞ്ഞിട്ടില്ല. റിപ്പോർട്ടുകൾ സമർപ്പിച്ചിട്ടും കണക്കുകൾ പൂഴ്ത്തി വെച്ച് കള്ളം പറയാൻ നാണമില്ലേ സർക്കാരെ എന്നും, മലബാറിലെ അവസാന കുട്ടിക്ക് വരെ സീറ്റ് നേടി കൊടുക്കാൻ ഈ തെരുവിൽ തന്നെ പോരാടും എന്നും സംഘടന നേതാക്കൾ പറഞ്ഞു.
#Right #Education #Seat #Crisis #Malabar #Fraternity #protest #march #Collectorate
