ഉപ്പള: (truevisionnews.com) വയോധികയുടെ കണ്ണില്‍ മുളകുപൊടി വിതറി ആഭരണങ്ങള്‍ കവരാന്‍ ശ്രമം.
ഉപ്പള മൂസോടി കണങ്കളംപാടിയിലെ 80കാരി ആയിഷാബിയെയാണ് ആക്രമിച്ചത്. കഴിഞ്ഞദിവസം ഉച്ചക്ക് ഒന്നോടെയാണ് സംഭവം.
ആയിഷാബി തന്റെ പശുക്കള്‍ക്ക് വെള്ളം കൊടുക്കവെ പര്‍ദ്ദ ധരിച്ചെത്തിയ ആള്‍ ആയിഷാബിയുടെ കണ്ണുകളിലേക്ക് മുളകുപൊടി വിതറുകയും കഴുത്തിലും കാതിലുമുണ്ടായിരുന്ന ആഭരണങ്ങള്‍ കവരാന്‍ ശ്രമിക്കുകയുമായിരുന്നു.
എന്നാൽ, ആയിഷാബി ബഹളം വെക്കുകയും അയൽവാസികള്‍ എത്തുന്നതിനിടെ പ്രതി കടന്നുകളയുകയുമായിരുന്നു. ആയിഷാബി ചികിത്സതേടി. മഞ്ചേശ്വരം പൊലീസ് കേസെടുത്ത് അന്വേഷിച്ചുവരുകയാണ്.
#Sprinkle #chickpea #powder #eyes #elderly #cover #ornaments.
