തുറവൂര്(ആലപ്പുഴ): (truevisionnews.com) ജീവകാരുണ്യ പ്രവര്ത്തനഫണ്ട് പിരിക്കുന്നതിന്റെ ഭാഗമായി വീട്ടിലെത്തി ഓട്ടിസം ബാധിച്ച യുവതിയുടെ സ്വര്ണമാല പൊട്ടിച്ചു കടന്ന മഹാരാഷ്ട്ര സ്വദേശി അറസ്റ്റിലായി.
ഗിര്ഗാന് ജാട്ട് സന്ഖി സ്വദേശി വിജയലക്ഷ്മണ് ഇന്ഗോലെ(24)യെയാണ് കുത്തിയതോട് പോലീസ് പിടികൂടിയത്. മോഷ്ടാവ് വര്ഷങ്ങളായി ബന്ധുക്കളോടൊപ്പം കേരളത്തില് താമസിക്കുകയായിരുന്നു.
മലയാളം നല്ലരീതിയില് സംസാരിക്കുന്ന ഇയാള് പാലക്കാട് ആലത്തൂരിലുള്ള മദര് ചാരിറ്റബിള് ട്രസ്റ്റ് എന്ന സ്ഥാപനത്തിലെ രസീതു ബുക്കുമായാണ് കുത്തിയതോട് പറയകാട് എ.കെ.ജി. ബസ് സ്റ്റോപ്പിനു സമീപമുള്ള വീടുകളില് കയറിയിറങ്ങി പിരിവു നടത്തിക്കൊണ്ടിരുന്നത്.
വീട്ടില് യുവതി ഒറ്റയ്ക്കാണെന്നു മനസ്സിലാക്കിയ ഇയാള് മാലപൊട്ടിച്ചു കടക്കുകയായിരുന്നു. ശാരീരിക അവശതകളുള്ള യുവതിയുടെ കരച്ചില്കേട്ട് സമീപവാസികള് ഓടിവന്ന് പ്രദേശം മുഴുവന് നോക്കിയെങ്കിലും പ്രതിയെ കണ്ടെത്താന് സാധിച്ചില്ല.
കുത്തിയതോട് പോലീസ് നടത്തിയ അന്വേഷണത്തില് പ്രതി അന്യസംസ്ഥാനക്കാരനാണെന്നും ജില്ല വിട്ടതെന്നും സൂചന ലഭിച്ചു. പണപ്പിരിവു നടത്തിയ രസീതു കേന്ദ്രീകരിച്ചു നടത്തിയ അന്വേഷണമാണ് പാലക്കാട് ജില്ലയില് ആലത്തൂര് കേന്ദ്രീകരിച്ചു പ്രവര്ത്തിക്കുന്ന മദര് ചാരിറ്റബിള് ട്രസ്റ്റില് എത്തിച്ചത്.
വ്യാപകമായ ക്രമക്കേടുകള് കണ്ടെത്തിയതിനെത്തുടര്ന്ന് മദര് ചാരിറ്റബിള് ട്രസ്റ്റിന്റെ ചെയര്മാന് ജഹാംഗീറിനെ പോലീസ് നേരത്തേ അറസ്റ്റുചെയ്ത് കോടതിയില് ഹാജരാക്കിയിരുന്നു.
കുത്തിയതോട് എസ്.എച്ച്.ഒ. അസാദ് അബ്ദുള് കലാമിന്റെ നേതൃത്വത്തില് എസ്.ഐ.മാരായ കെ.എക്സ്. തോമസ്, സുനില് രാജന്, സിവില് പോലീസ് ഓഫീസര്മാരായ മനു, മനീഷ്, സ്ക്വാഡ് അംഗങ്ങളായ അനീഷ്, അരുണ്കുമാര്, പ്രബീഷ്, ഗിരീഷ് എന്നിവര് ചേര്ന്നാണ് അറസ്റ്റുചെയ്തത്.
#Autistic #youngwoman's #necklace #broken #rally #charity #youngman #under #arrest