ആലപ്പുഴ: ( www.truevisionnews.com ) നൂറ്റവന്പാറയിലെ പ്രകൃതിഭംഗി ആസ്വദിക്കുന്നതിനിടെ വാട്ടർ ടാങ്കിന് മുകളില്നിന്ന് വീണ് വിദ്യാർഥിനിക്ക് ഗുരുതര പരിക്ക്. ചെങ്ങന്നൂര് തിട്ടമേല് കല്ലുമഠത്തില് ജനാർദനന്റെ മകൾ പൂജക്കാണ് (19) തലക്ക് ഗുരുതര പരിക്കേറ്റത്.
ഇവരെ കോട്ടയം മെഡിക്കല് കോളജ് ആശുപത്രിയില് പ്രവേശിപ്പിച്ചു. മാവേലിക്കരയില് ലാബ് ടെക്നീഷൻ കോഴ്സ് വിദ്യാർഥിനിയാണ്. ഞായറാഴ്ച വൈകീട്ട് അഞ്ചിനായിരുന്നു അപകടം.
നൂറ്റവന്പാറ കാണാനെത്തിയ വിദ്യാർഥിനി വാട്ടർ ടാങ്കിന് മുകളിൽനിന്ന് പാറയിലേക്ക് തലയടിച്ചു വീഴുകയായിരുന്നു. യുവതിക്കൊപ്പമുണ്ടായിരുന്ന കുട്ടി വിവരം സമീപത്തെ വീട്ടിലറിയിച്ചതോടെ കുടുംബശ്രീ പ്രവര്ത്തകര് ആശുപത്രിയിലെത്തിക്കുകയായിരുന്നു.
യുവതിയെ ജില്ല ആശുപത്രിയിലെത്തിച്ച് പ്രഥമശുശ്രൂഷ നല്കിയശേഷം കോട്ടയം മെഡിക്കൽ കോളജിലേക്ക് മാറ്റി.
#student #reached #nuttavanpara #fell #top #water #tank #seriously #injured