(truevisionnews.com) മലയാളികളുടെ ഇഷ്ട വിഭവമാണ് പൊറോട്ട. നല്ല മൊരിഞ്ഞ പൊറോട്ടയും ബീഫും എന്ന് കേള്‍ക്കുമ്പോള്‍ തന്നെ എല്ലാവര്‍ക്കും വായില്‍ കപ്പലോടും. വീട്ടിൽ ചോറ് ബാക്കി ഉണ്ടെങ്കിൽ ഇനി എളുപ്പത്തിൽ പൊറോട്ട തയ്യാറാക്കാം.
ചേരുവകൾ
ചോറ് - 1 കപ്പ്‌
വെള്ളം - അരകപ്പ്
ഉപ്പ് - ആവശ്യത്തിന്
മൈദ - 2 കപ്പ്‌
സൺഫ്ലവർ ഓയിൽ - 1 ടേബിൾസ്പൂൺ
തയാറാക്കുന്ന വിധം
ചോറും ഉപ്പും വെള്ളവും ചേർത്ത് മിക്സിയിൽ നന്നായി അടിച്ചെടുക്കുക. ഇതിലേക്ക് മൈദ ചേർത്ത് നന്നായി കുഴച്ചെടുക്കുക. മാവിന് മാർദ്ദവം കിട്ടാനായി സൺഫ്ലവർ ഓയിലും ചേർക്കുക. ശേഷം ഇത് അര മണിക്കൂർ നേരം അടച്ച് മൂടിവയ്ക്കുക. ഈ മാവ് ചെറിയ ഉരുളകളാക്കി മാറ്റി, മടക്കു ചപ്പാത്തി ഉണ്ടാക്കുന്നത് പോലെ പരത്തി എടുക്കുക.
മടക്കുകൾക്കിടയിൽ സൺഫ്ലവർ ഓയിൽ ബ്രഷ് ചെയ്തു കൊടുക്കണം. തീരെ കട്ടിയില്ലാതെ ഇത് പരത്തി എടുക്കുക. ഇത് അടുപ്പത്ത് ഒരു പാനിൽ വച്ച് വേവിച്ചെടുക്കാം. ഒരു ഭാഗം ഒരുപാടു നേരം വയ്ക്കരുത്, പെട്ടെന്ന് പെട്ടെന്ന് മറിച്ചിട്ട്‌ കൊടുക്കണം. സാധാരണ പൊറോട്ടയേക്കാൾ മാർദ്ദവമുള്ള ഈ പൊറോട്ട കുറുമ, ചിക്കൻ കറി മുതലായവയ്ക്കൊപ്പം ചൂടോടെ കഴിക്കാം.
#Let's #see #how #prepare #Porotta #rice
.png)
