പൊറോട്ടയും ബീഫും ആവശ്യപ്പെട്ട് വീടിന് മുകളിൽ കയറി യുവാവിന്റെ ആത്മഹത്യ ഭീഷണി; ഫയർഫോഴ്സ് എത്തി താഴെ ഇറക്കി

കാസർഗോഡ് : (www.truevisionnews.com) പൊറോട്ടയും ബീഫും ആവശ്യപ്പെട്ട് അയൽവാസിയുടെ വീടിന് മുകളിൽ കയറി ആത്മഹത്യ ഭീഷണി മുഴക്കിയ യുവാവിനെ പൊലീസും നാട്ടുകാരും ചേർന്ന് താഴെ ഇറക്കി. കിനാലൂർ കാട്ടിപ്പൊയിൽ ഉമ്മച്ചിപള്ളത്തെ ശ്രീധരൻ എന്നയാളാണ് ഞായറാഴ്ച ഉച്ചയോടെ ആത്മഹത്യ ഭീഷണി മുഴക്കിയത്.

Also read: വഖഫ് നിയമ ഭേദഗതി പ്രകാരം കേരളത്തിൽ ബോർഡ് രൂപീകരിക്കാൻ തീരുമാനിച്ചിട്ടില്ല; മന്ത്രി വി. അബ്ദുറഹ്മാൻ

വെട്ടുക്കത്തിയുമായി അയൽവാസിയായ ലക്ഷ്മിയുടെ വീടിന് മുകളിൽ ഏണിവെച്ച് കയറി ഭീഷണി മുഴക്കുകയായിരുന്നു. നീലേശ്വരം എസ്.ഐ കെ.വി പ്രദീപും സംഘവും സ്ഥലത്തെത്തി അനുനയിപ്പിക്കാൻ ശ്രമിച്ചെങ്കിലും ശ്രീധരൻ ഇറങ്ങാൻ തയാറായില്ല.

ബീഫും പൊറോട്ടയും വേണമെന്നായിരുന്നു ആവശ്യം. നാട്ടുകർ പലയിടത്തും ചെന്നെങ്കിലും ഞായറാഴ്ചയായതിനാൽ ബീഫ് കിട്ടിയില്ല. ഇതിനിടയിൽ സ്ഥലത്തെത്തിയ ഫയർഫോഴ്സ് സംഘം നാട്ടുകാരുടെ സഹായത്തോടെ വീടിന് മുകളിൽ കയറി ശ്രീധരനെ താഴെ ഇറക്കുകയായിരുന്നു.

Also read: മുൻ ടയറില്ലാതെ കിലോമീറ്ററുകൾ സഞ്ചരിച്ച് മറ്റു വാഹനങ്ങളിലിടിച്ച കാറും ഡ്രൈവറും പിടിയിൽ

തുടർന്ന് നീലേശ്വരം പൊലീസ് സ്റ്റേഷനിൽ എത്തിച്ച് പൊലീസുകാർ ബീഫും പൊറോട്ടയും വാങ്ങി നൽകി. ഇയാൾക്ക് മാനസിക പ്രശ്നങ്ങൾ ഉണ്ടായിരുന്നതായി പൊലീസ് പറയുന്നു.

Also read: മൂന്ന് കുട്ടികളെ മരിച്ച നിലയിൽ കണ്ടെത്തി; അമ്മ വിഷം കൊടുത്ത് കൊലപ്പെടുത്തിയതെന്ന് പൊലീസ്

#Youth #threatens #suicide #climbing #top #house #demanding #gourd #beef #FireForce #arrives #bringdown