കഠിനംകുളത്ത് ബെെക്ക് മതിലിൽ ഇടിച്ചുകയറി അപകടം; യുവാവിന് ദാരുണാന്ത്യം

തിരുവനന്തപുരം: (www.truevisionnews.com) കഠിനംകുളത്ത് നിയന്ത്രണംവിട്ട ബെെക്ക് കടയുടെ മതിലിൽ ഇടിച്ചുകയറി യുവാവ് മരിച്ചു. കഠിനംകുളം മരിയനാട് ആർത്തിയിൽ പുരയിടത്തിൽ സ്റ്റാൻസിലാ, റേയ്ച്ചൽ ദമ്പതികളുടെ മകനായ ക്രിസ്തുദാസ് (36) ആണ് മരിച്ചത്.

Also read: സൈബർ തട്ടിപ്പ്; അഞ്ചേകാൽ ലക്ഷം രൂപയുടെ വായ്പ തീർക്കാൻ ശ്രമിച്ച യുവതിക്ക് നഷ്ടമായത് പത്ത് ലക്ഷത്തോളം രൂപ

ക്രിസ്തുദാസിനൊപ്പം യാത്രചെയ്യുകയായിരുന്ന സുഹൃത്ത് പരിക്കേറ്റ് ചികിത്സയിലാണ്. ശനിയാഴ്ച രാത്രി പത്തുമണിയോടെയായിരുന്നു സംഭവം.

പെരുമാതുറ ഭാ​ഗത്തുനിന്ന് മരിയനാട് ഭാ​ഗത്തേക്ക് സുഹൃത്തിനൊപ്പം ബെെക്കിൽ പോകുമ്പോൾ നിയന്ത്രണം വിട്ട ബെെക്ക് തീരദേശപാതയിൽ പുതുക്കുറുച്ചി ചർച്ചിന് സമീപത്തെ പഴയ എസ്ബിഐക്ക്‌ സമീപമുള്ള കടയുടെ മതിലിലേക്ക് ഇടിച്ച് കയറുകയായിരുന്നു.

Also read: വഖഫ് നിയമം ഇന്ന് മുതല്‍ പ്രാബല്യത്തില്‍; വിജ്ഞാപനമിറക്കി കേന്ദ്ര സര്‍ക്കാര്‍

ഇടിയുടെ ആഘാതത്തിൽ ശരീരമാസകലം പരിക്കേറ്റ ഇരുവരേയും ആംബുലൻസിൽ ആശുപത്രിയിൽ എത്തിക്കുന്നതിനിടെ ക്രിസ്തുദാസ് മരിച്ചു. മൃതദേഹം തിരുവനന്തപുരം മെഡിക്കൽ കോളേജ് മോർച്ചറിയിൽ.

പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും. ജീവയാണ് ക്രിസ്തുദാസിന്റെ ഭാര്യ. മക്കൾ: സെെവ, മറിയ.

#Accident #Kadinamkulam #Youngman #dies #crashing #wall