കോഴിക്കോട്: (truevisionnews.com) പേരാമ്പ്രയിൽ സ്വകാര്യ ബസ് ബൈക്കിലിടിച്ച് വിദ്യാർത്ഥിയുടെ ജീവനെടുത്ത അപകടത്തിന്റെ സി സി ടി വി ദൃശ്യങ്ങൾ പുറത്ത് .

മുളിയങ്ങല് ചെക്യലത്ത് റസാക്കിന്റെ മകന് ഷാദില് ആണ് മരിച്ചത്. പരീക്ഷ എഴുതി വീട്ടിലേക്കു പോകും വഴിയാണ് ദാരുണമായ അപകടം ഉണ്ടായത്.
ഇന്ന് ഉച്ചയ്ക്ക് 2 മണിയോടെയാണ് സംഭവം. കോഴിക്കോട് നിന്ന് കുറ്റ്യാടി വഴി നാദാപുരത്തേക്കു പോകുകയായിരുന്ന സേഫ്റ്റി ബസാണ് പേരാമ്പ്ര സെന്റ് ഫ്രാന്സിസ് പള്ളിക്കു സമീപം ബൈക്കില് ഇടിച്ചത്.
ഷാദില് സഞ്ചരിച്ച ബൈക്കിനു പിന്നിലാണ് ബസ് ഇടിച്ചത്. ഉടൻ പേരാമ്പ്ര ഇഎംഎസ് സഹകരണ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പേരാമ്പ്ര ഡിഗ്നിറ്റി കോളജില് രണ്ടാം വര്ഷ ഡിഗ്രി വിദ്യാര്ഥിയാണ് ഷാദില്.
ബസിന്റെ അമിതവേഗതയാണ് അപകടകാരണമെന്ന് ദൃക്സാക്ഷികള് പറഞ്ഞു. ഇടിച്ച ശേഷം 10 മീറ്ററോളം ബൈക്കിനെ വലിച്ചിഴച്ച ശേഷമാണ് ബസ് നിന്നതെന്നും നാട്ടുകാര് പറഞ്ഞു.
#Private #bus #takes #student's #life #Perambra #Kozhikode #Shocking #CCTV #footage #released
