കോഴിക്കോട് ഐസിയു പീഡന കേസിൽ സുപ്രധാന കണ്ടെത്തൽ; അതിജീവിതയെ വൈദ്യ പരിശോധനയ്ക്ക് വിധേയമാക്കിയതിൽ ഗുരുതരവീഴ്ച

കോഴിക്കോട്: (www.truevisionnews.com) മെഡിക്കൽ കോളജ് ഐ.സി.യു പീഡന ക്കേസ് കൈകാര്യം ചെയ്യുന്നതിൽ കോളജ് അധികൃതർക്ക് വീഴ്ച സംഭവിച്ചുവെന്ന് മനുഷ്യാവകാശ കമീഷൻ അന്വേഷണ റിപ്പോർട്ട്. അതിജീവിതയെ പരിശോധിച്ച ഡോക്ടർക്ക് മെഡിക്കോ-ലീഗൽ പരിചയമില്ലായിരുന്നുവെന്ന് അവരുടെ മൊഴിൽ വ്യക്തമാണ്.

Also read: കാറിന് പോലും രക്ഷയില്ല! കണ്ണൂരിൽ അസിസ്റ്റന്റ് കളക്ടറുടെ വാഹനം കടിച്ചുകീറി നശിപ്പിച്ച് തെരുവ് നായ്ക്കൾ

ആശുപത്രിയിലെ ഒരു ജീവനക്കാരനെതിരെ ആരോപണമുയർന്ന കേസിൽ മെഡിക്കോ ലീഗൽ കേസുകൾ കൈകാര്യംചെയ്ത് പരിചയ സമ്പന്നരായ ഡോക്ടർമാരെക്കൊണ്ട് പരിശോധന നടത്തിക്കുന്നതിൽ മെഡിക്കൽ കോളജ് അധികൃതരുടെ ഭാഗത്തുനിന്ന് വീഴ്ച സംഭവിച്ചുവെന്നും റിപ്പോർട്ടിൽ പറയുന്നു.

മെഡിക്കോ-ലീഗൽ പരിശോധനയിൽ നിർബന്ധമായും ശേഖരിക്കേണ്ട വജൈനൽ സ്വാബ്, ഇരയുടെ വസ്ത്രം എന്നിവ പരിശോധനയിൽ ശേഖരിച്ചതായി കാണുന്നില്ല. പീഡനം നടന്നിട്ടുണ്ടോ എന്ന് മനസ്സിലാക്കുന്നതിന്​ ഇത്തരം പരിശേധനകൾ നടത്തണം.

Also read: എയർ സൈറൺ മുഴങ്ങി; ചണ്ഡിഗഢിലും ജാഗ്രത, ജനങ്ങളോട് വീടിന് പുറത്തിറങ്ങരുതെന്ന് നിര്‍ദേശം

എന്നാൽ ഈ കേസിൽ അതിന്‍റെ അവശ്യമില്ലെന്നാണ് പരിശോധിച്ച ഡോക്ടർ പറയുന്നതെന്നും റിപ്പോർട്ടിലുണ്ട്. ഡിവൈ.എസ്.പി എസ്.എസ്. സുരേഷ് കുമാർ സമർപ്പിച്ച റിപ്പോർട്ടിലാണ് ഇക്കാര്യം വ്യക്തമാക്കുന്നത്.

അതിജീവിതയുടെ പരാതി പ്രകാരം മെഡിക്കോ- ലീഗൽ പരിശോധനയിൽ സംഭവിച്ച വീഴ്ചകളെക്കുറിച്ച് വിശദമായ അന്വേഷണത്തിന് ഉത്തരമേഖലാ ഐ.ജി കെ സേതുരാമനെ നിയോഗിച്ചിട്ടുണ്ട്.

Also read: കോടികൾ മുക്കുന്ന കരിമണൽ ഖനനം പുരോഗമിക്കുന്നു; കണ്ണീരോടെ സ്ഥലം വിട്ട് നൽകി ചവറ കരിത്തുറ - ഇടത്തുരുത്ത് നിവാസികൾ

ഈ റിപ്പോർട്ടിൽ വൈദ്യ പരിശോധനയിൽ വീഴ്ച വരുത്തിയതായി കണ്ടെത്തിയാൽ ഉദ്യോഗസ്ഥർക്കെതരിരെ ഉചിതമായ നടപടിക്ക് നമുഷ്യാവകാശ കമീഷൻ സർക്കാരിന് നിർദേശം നൽകാമെന്നും ഡിവൈ.എസ്.പിയുടെ റിപ്പോർട്ടിൽ വ്യക്തമാക്കുന്നു.

#Important #finding #Kozhikode #ICUtorturecase #criticalfailure #medicalexamination